常滿百家菜

营业中

休息中

而家嘅餐厅为咗吸客通常都会做多元化种类嘅放题，今日嚟食呢间就系以点心同火锅任食做卖点。入座后店员会先帮你落咗个汤底，之后就可以写点心周火锅配料，出面大排档都仲有其他火锅配料，饮品，熟食及甜品。拎啲熟食医下肚先。点心方面，全部都系即叫即蒸，小笼包皮薄馅靓，咬开会爆肉汁；凤爪都几入味，系争少少辣味就会更惹味；烧卖大大粒，馅料捞左香菇同鲜虾都几弹牙；炸物炸得几香脆，上碟暖暖地不过唔够热。火锅方面，最正嘅系海生虾，任食的海鲜都好有质素，大部份都好新鲜，肉质爽口弹牙鲜味，我encore左几转；手打墨鱼丸都几大粒，好弹牙，有墨鱼粒粒好有口感；蔬菜都几新鲜爽脆。甜品方面，雪柜入面有芒果布甸，啫喱，各款中式甜品，芒果布甸有d实，不过几香甜。