影片
更多
2021-09-07
28 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗🤗今日朋友带咗我嚟试呢一间小店，佢话嚟食过觉得好正～ 天气热有时都会想食下生冷嘢～入口附近雪柜内有一盒盒加拿大同墨西哥海胆、三文鱼、泡芺，亦都见到有新鲜嘅原条鱼、生蚝… 开始已经心心眼😍店内设计都几有特色！有唔同款式有大有细嘅酒桶，同千与千寻嘅Kaonashi（无脸男）公仔摆设～店员话呢段时间冇本地同日本嘅海胆，所以木板烧港胆同海胆拼盘都暂时未有得供应！🍴倍化带子吞海胆（$88/2件）哗！好大粒带子呀！造型有D似刈包咁！😂 带子刺身中间切开，中间夹住份量好慷慨嘅海胆，外面包住紫菜！先就咁试少少海胆，佢今日用嘅系加拿大海胆，呈金黄色有少少光泽，食落去口感绵滑，非常肥美… 带子刺身新鲜够饱满，软嫩鲜甜，食落仲有少少火炙味道，睇真D，发现原来贴住紫菜嘅两边有微微烧过，令到味觉多一种层次！咁嘅组合咁嘅价钱真系超抵食！超级推介😋🍴北海道鲜凤趾生蚝（$68/只）即叫即开，都几大只饱满，落咗少少柠檬汁响面，一啖滑入口，劲creamy又鲜甜浓郁，呢款生蚝嘅海水味唔太重，唔太咸，啱晒钟意食肥厚饱满又creamy 生蚝嘅我！🍴原条鸡鱼刺身（$328）所有原
回头指数 ⭐️⭐️⭐️⭐️
开心指数🤗🤗🤗🤗🤗
今日朋友带咗我嚟试呢一间小店，佢话嚟食过觉得好正～ 天气热有时都会想食下生冷嘢～
入口附近雪柜内有一盒盒加拿大同墨西哥海胆、三文鱼、泡芺，亦都见到有新鲜嘅原条鱼、生蚝… 开始已经心心眼😍店内设计都几有特色！有唔同款式有大有细嘅酒桶，同千与千寻嘅Kaonashi（无脸男）公仔摆设～
店员话呢段时间冇本地同日本嘅海胆，所以木板烧港胆同海胆拼盘都暂时未有得供应！
🍴倍化带子吞海胆（$88/2件）
哗！好大粒带子呀！造型有D似刈包咁！😂 带子刺身中间切开，中间夹住份量好慷慨嘅海胆，外面包住紫菜！先就咁试少少海胆，佢今日用嘅系加拿大海胆，呈金黄色有少少光泽，食落去口感绵滑，非常肥美… 带子刺身新鲜够饱满，软嫩鲜甜，食落仲有少少火炙味道，睇真D，发现原来贴住紫菜嘅两边有微微烧过，令到味觉多一种层次！咁嘅组合咁嘅价钱真系超抵食！超级推介😋
倍化带子吞海胆
$88
0 浏览
0 赞好
0 留言
🍴北海道鲜凤趾生蚝（$68/只）
即叫即开，都几大只饱满，落咗少少柠檬汁响面，一啖滑入口，劲creamy又鲜甜浓郁，呢款生蚝嘅海水味唔太重，唔太咸，啱晒钟意食肥厚饱满又creamy 生蚝嘅我！
北海道鲜凤趾生蚝
$68
0 浏览
0 赞好
0 留言
🍴原条鸡鱼刺身（$328）
所有原条鱼都系时令日本鲜鱼，我哋拣咗鸡鱼！刺身鱼嚟到嘅时候不禁哗咗出嚟！好靓呀！每一片都切得厚薄一致，师傅刀工抵赞！👍🏼 呢种鱼唔系脂肪型嘅鱼，夹落去见到鱼肉晶莹剔透就知道够新鲜！咬落去系爽口弹牙，鱼味属较为清淡类！之后试另一片点咗随鱼上嘅柚子酱汁，酸酸味味咁，带返出鱼嘅淡淡鲜甜味，好清爽感觉！啱晒夏天食！
原条鸡鱼刺身
$328
0 浏览
0 赞好
0 留言
🍴鱼头鱼骨汤（+$38）
叫咗原条鱼刺身可以加$38 有个鱼汤，奶白色嘅鱼汤大大锅热辣辣，佢除咗鱼头鱼骨外，仲加咗豆腐同葱花，系浓郁嘅鱼汤，食完成餐生冷嘢饮返个热辣辣鱼汤完结感觉系好圆满嘅～
所有海鲜都好新鲜，价钱相宜，系一间亲民又高质嘅小店！
张贴
