莎巴馬來西亞餐廳

营业中

休息中

最近去开湾仔买嘢，见到马来西亚菜，好耐冇食就入去试吓啦～价钱非常亲民，完全系贴地价钱！而且味道方面亦都好正宗！性价比高🥰最重要系佢哋份量足料大份～地方亦都干净员工亦都贴心！上菜速度亦都快～🔸海南鸡饭海南鸡嘅肉质鲜嫩滑嫩，咬起上嚟口感好滑溜～真系完全冇骨㗎！我都好欣赏佢嘅油饭！同埋佢哋嘅鸡汤呢比较鲜甜。🔸银鱼仔炒芥兰真系有好多银鱼仔㗎，同埋芥兰一齐炒都几脆口。🔹肉骨茶估唔到佢咁大碗，真系足料。其实肉骨茶最特别一定系佢个汤底，真系够晒浓郁入味啊。🔹炒青口呢个炒青口特别在于佢嘅辣酱，呢款辣味系出边食唔到，自制嘅辣酱。甜甜地辣得几惹味～