寿司部

营业中

休息中

嚟过大角咀咁多次，唔讲都唔知原来呢到有间价钱亲民既寿司店。小店铺头面积唔大，就咁行过好容易会miss左，餐厅只有一张枱仔，所以大部分客人都系外卖自取拎返屋企食。 麻雀虽小，但五脏俱全，餐牌上寿司款式丰富，连炸物都有，而且价钱非常亲民，大部份寿司都系$10或以下。全部寿司都系即叫即制，确保送到客人手上嘅时候仲系新鲜。呢个价钱当然唔可以期待有高级寿司店嘅质素，但系平得黎绝对唔差，部份寿司仲几有惊喜。我最推介系海胆花之恋，海胆同三文鱼都好新鲜，海胆比想像中好味，味道鲜甜，而且份量唔少。我试过某间连锁寿司店嘅海胆又腥又臭，好彩呢间完全无咁既情况，仲出奇地好味。炙烧系列都唔错，最好味系盐烧左口鱼边寿司，烧鹅肝寿司都OK，重点系旧饭吸收晒上层食物既精华，所以特别香口。三文鱼籽、带子寿司，蟹膏玻璃虾都正常。芥辣八爪鱼调味得啱啱好，唔会太呛又好香芥茉味，不错。重点系店员非常有礼貌💕全程唔该前唔该后，又话唔好意思要我等咁耐。而且提供嘅豉油同芥末份量都好足够，我唔洗就住嚟食。呢个价钱黎讲，食物质素绝对不错！