影片
更多
2016-03-17
190 浏览
之前睇报导介绍过呢个分子料理，价钱亲民而创意无限，于是今日决定黎试试！餐厅门外已经show个餐牌出黎，简单明确得1个分子料理set, $200, 约食1个钟，总共有6道菜！Early Bird时段(6-7pm)只需$150！餐厅店面唔大，开放式厨房、吧枱一览无遗，客人要站立靠著吧枱进食，非常新鲜，既可以悭位，又可以令客人清楚望到主厨制作分子料理过程，亦主厨留意到及照顾到每一位客人，一举三得！吧枱下及墙上都设有挂勾，供食客挂袋挂衫，非常贴心！吧枱上整齐放置好1set set唔同function嘅餐具，令人非常期待！约6点，等齐客人'就坐'，主厨正式表演啦！有汽作用- 柚子醋浸日本温室蕃茄有汽嘅蕃茄够冲激，酸酸甜甜作为第一味菜够晒开胃👏🏻晶球化作用- 哈蜜瓜份子晶球配西班牙黑毛猪火腿新鲜哈密瓜汁加左蜜糖同海藻酸纳粉，再放进氯化钙水变成晶球，好似蛋黄咁样，配以45个月西班牙黑毛猪火煺食，一啖放入口，晶球喺口中爆开，又甜又咸，非常有趣！液体氮- 忌廉冰球配三文鱼、薯仔粒将酸忌廉酿入三文鱼及薯仔粒，放入液态氮中，见到佢好似被放入滚水咁滚呀滚就凝固左！酸忌廉变左固体硬硼硼，要用匙将佢敲开先食，冻冰
餐厅门外已经show个餐牌出黎，简单明确得1个分子料理set, $200, 约食1个钟，总共有6道菜！Early Bird时段(6-7pm)只需$150！
餐厅店面唔大，开放式厨房、吧枱一览无遗，客人要站立靠著吧枱进食，非常新鲜，既可以悭位，又可以令客人清楚望到主厨制作分子料理过程，亦主厨留意到及照顾到每一位客人，一举三得！
吧枱下及墙上都设有挂勾，供食客挂袋挂衫，非常贴心！吧枱上整齐放置好1set set唔同function嘅餐具，令人非常期待！约6点，等齐客人'就坐'，主厨正式表演啦！有汽作用- 柚子醋浸日本温室蕃茄
有汽嘅蕃茄够冲激，酸酸甜甜作为第一味菜够晒开胃👏🏻晶球化作用- 哈蜜瓜份子晶球配西班牙黑毛猪火腿
新鲜哈密瓜汁加左蜜糖同海藻酸纳粉，再放进氯化钙水变成晶球，好似蛋黄咁样，配以45个月西班牙黑毛猪火煺食，一啖放入口，晶球喺口中爆开，又甜又咸，非常有趣！液体氮- 忌廉冰球配三文鱼、薯仔粒
将酸忌廉酿入三文鱼及薯仔粒，放入液态氮中，见到佢好似被放入滚水咁滚呀滚就凝固左！酸忌廉变左固体硬硼硼，要用匙将佢敲开先食，冻冰冰，酸忌廉系脆嘅，三文鱼同薯仔粒仲软嘅，口感非常复杂但又好刺激！乳化作用- 龙虾慕丝配鱼子酱、椰菜花
杯嘅底部系低温慢煮嘅椰菜花，以慢煮方便烹调可以保持椰菜花嘅爽脆同营养，上方系龙虾汁沟忌廉经乳化后而成嘅mousse, 面头加上鱼子酱，外型好似甜品咁靓，食落咸香而鲜美！即席烟熏- 真空慢煮鸡胸配牛肝菌脆枪粒
真空慢煮令鸡胸变得更嫩，与干脆牛肝菌粒放入玻璃罐中，打入橡木和迷迭香味嘅烟，即席焗约1分钟，打开玻璃盖香烟扑出，食落鸡肉嫩滑仲有阵阵阵烟熏味，赞！起泡作用- 煲仔鲍汁神户牛面颊西班牙饭配分子蒜香忌廉泡
神户牛面颊以鲍汁烹煮8个钟，非常入味，又好软绵，意大利饭放于瓦煲中煮，饭吸收晒煮过鲍汁同牛嘅精华，仲好似煲仔饭咁有饭焦，单系咁食已经好正，再配以分子蒜香忌廉泡食，一啖食晒牛、饭、泡，perfect!另外食客可加$15要一杯Lemon Lime Bitter, 由主厨即场调配，听老板讲呢杯特饮系佢喺澳洲学返黎架。照字面应该有lemonade, lime & bitter（一种酒），而老板用左雪碧加约10滴bitter, 酒味不浓，好特别 ！
价钱平民又好味，又可大饱眼福，期待佢快啲转餐单再黎食过！张贴
