深宵食堂 (已結業)

今次和友人來到深宵食堂 ！這裡主要係食燒物和日本料理，價錢好親民唔係太貴，食物質數都很好所以有好多年輕人光顧。餐廳裝潢以木為主，感覺十分溫馨。豚肉露筍卷：豚肉片包着蘆筍配搭清爽多汁，蘆筍口感脆嫩，令人等唔到口。連平時好嘴叼人友人都話正。汁燒白鱔：白鱔十分肥美，肉質嫰滑而且帶點彈牙仲完全沒有腥味，不錯。鹽燒雞翼：外皮燒到脆トト！！雞肉嫩滑多汁，食多幾串都無問題。芝士蝦球：熱辣辣！食之前要小心。裏面有滿滿的芝士，而且仲會拉絲！！！感覺不會油膩。 冰燒菠蘿：燒完的菠蘿特別清甜多汁！沒有酸味，值得一讚。手打烏冬： 一上枱已經好香！雖然看落去好平凡，但味道不俗。烏冬彈牙加上又暖又香的豬骨湯低。泡菜豚肉飯：分量好多！！可以和朋友share 食，米飯加上醬汁的味道好夾加上泡菜酸酸辣辣好開胃。我地食物左咁多食物都唔使500蚊！！價錢真係認真親民仲可以食到好飽。