Odelice! (海之戀商場)

海之恋有间餐厅，由法国人主理，运用传统法国食谱后融入亚洲风味创造多款特色菜式。中午、下午茶同晚市亦有唔同套餐供应。餐厅行亲民路线，用平民价就可以食到高级法国菜！Brunch Set 最平$95，包括头盘、主食同饮品，另可以优惠追加其他食物，难怪Full House。头盘有西班牙白毛猪火腿，肥瘦适中，味道咸香，建议叫埋烟三文鱼拼盘，夹住面包食更滋味。主菜有烤龙虾烩饭，龙虾以芥末荷兰酱烤焗，配上龙虾番茄酱汁，味道偏清淡，可自行落柠檬汁调味，饭粒带咬口，试试无妨。相比之下更喜欢阿根廷安格斯肉眼牛排，建议叫三成熟，牛味突出，薯条亦要趁早食，唔系嘅话会腍晒。另外加点咗个芝士蛋糕，同想像中有啲出入，无论系口感同味道都似疏乎厘，不过特别之处在于上面多咗红莓酱，食落感觉更开胃。饮品方面有泡沫咖啡同Fruit Punch，前者带淡淡咖啡香气，后者味道酸甜开胃，十分解暑。