迦米泰式小食 (已搬遷) 新店位置

今日同朋友约左系北角食饭，餐厅系佢拣既，我净系去到食就得啦。我地两个都叫左海南鸡汤檬粉，鸡肉份量唔多，滑唔滑就睇下佢比咩部位，好似我个碗就比较多鸡胸，所以几鞋口。除左鸡肉，仲有豆pok一旧，萝卜一旧，萝卜唔系好入味，但系同个汤底一样清清地，几啱夏天食。碗野有一个加分位就系有好多肥嘟嘟芽菜，但如果好似我个friend咁唔钟意食芽菜，可能加分变扣分啦😂野饮我地叫左泰式咖啡同泰式奶茶，两杯味道都偏甜，但系咖啡香同茶香都几突出，个人比较钟意奶茶。