迦米泰式小食 (已搬遷) 新店位置

琴日lunch time係街行過，聞到好香嘅燒烤味，仔細望先留意到尼間小店。就係比尼陣燒烤味吸引左，今日就黎左試下啦。老實講，餐廳門面真係有少少up dup，入面放左幾張摺枱，空間唔係好大，大約容納到十零個人左右。咁今日我就叫左兩串串燒，一雞一豬，同埋一個泰式炒河。先講串燒真係超級香，入口好juicy，好食。個人就鐘意豬串多啲，比起雞串，仲多左個咬口跟住到個炒河，同樣都係好好食，河粉有獲氣，仲有陣焦香味，食到唔停得口。串燒$15串，而炒河就要成$60，同區黎講算幾貴。不過食物質素搭救。所以話，真係唔好睇少尼啲up up dup dup嘅鋪頭仔，隨時係隱世美食店黎！

不是男朋友介紹的話，我也不知道原來北角有間作風低調的地道泰色小店。泰式青木瓜沙律 ($45)青木瓜絲爽脆清新，另外仲有切成小塊的豆角和花生粒等，令沙律口感無咁單一。加埋酸甜帶辣的泰式醬料一齊食，非常醒胃。烤雞扒雞扒大大塊，面頭淋上了椰香味濃的沙嗲醬，甜甜地好容易入口。雞扒是即點即烤的，外皮帶有陣陣炭燒香味，入面則是嫩滑多汁的雞肉，沒有骨啖啖肉。泰式炒金邊粉 ($60)金邊粉炒得較為濕身，粉條有咬口而且好入味，吸收哂泰式香料的精華。炒粉的時候落左蛋絲所以帶有陣陣蛋香，兩隻大蝦的味道也不錯。泰式炒河粉 ($60)炒河有雞、牛或豬肉比你選擇，炒到好有鑊氣，軟硬適中，加埋旁的泰式酸辣醬一齊食好好味。用餐的時候一路有不少街坊嚟餐廳買外賣，加上大部分餐點都係即烤即炒的，所以上菜時間相對耐少少。餐廳另外仲有甜品供應，本身想試埋芒果糯米飯，但我們已經食到太飽了，下次有機會再嚟試埋佢。

全泰國人經驗，家庭式fee ，門口周不時見到有人排隊買串燒。但我食過兩次都覺一般所以並唔係必食之選。今次坐低食晏叫咗冬陰功湯麵同辣炒肉碎金邊粉，值得推薦嘅就係辣炒肉碎粉，夠辣又香口，仲配隻煎蛋俾你撈飯食！ 自家製冰龍眼茶喺香港泰餐廳來說夠特別，唔太甜亦好多粒龍眼，記得叫！

晚上錯過了回家晚餐時段，所以要自己食一人晚餐。今晚就在北角試下朋友都話不錯的泰國地道菜本身我朋友就在北角上班，所以經常找他時都會行經此地，鋪內不大裝修簡單，大㕑，二㕑同侍應都是泰國人，坐位大約十到十五個到。雖然鋪不大，但一張簡單的餐牌內包括多款泰式小食，飯粉麵及飲料。剛好來到不用等位就可以入坐而我選了冬陰公米粉，咖哩雞肉串同泰式青檸梳打昨為今日晚餐。冬陰公米粉湯汁比較甜為主，不會太辣太酸。米粉入味配料又多，番茄，鮮蝦，菇等等都好新鮮，最利害係咖哩雞肉串～咖哩汁夠香濃配上雞肉食一流。而飲青檸梳打係正常選擇～好味。整體味道有別於一般港式泰國口味，不會太辣太酸好適合不同人士口味，服務滿意。會再來的

北角人情味泰國小菜館！冇好華麗嘅裝修但係就有一份濃濃嘅人情味而且小店加更有泰國風情☺️係小店架即叫即整，台既隔離就係廚房！ 一入去就已經聞到嘢食嘅味道好肚餓啊！而且喺外面等外賣嘅人龍都唔少㗎所以要食嘅話就要預時間排隊😊好嘢係值得我排嘅！青咖喱炒飯&泰式炒金邊粉無論炒粉定炒飯都超有鑊氣，份量好足，青咖喱椰奶好香🤪，金邊粉炒風條條分明👍🏻😆沙嗲雞串勁多沙嗲醬嘅串全燒到外皮脆脆內滑即叫即燒超有炭爐味燒既風味芒果糯米飯爆多椰漿勁香熱辣辣芒果糯米飯🤩100分😚一定要食❤️豬頸肉豬頸肉夠煙韌🥰唔會好硬泰式炒通菜超級惹味，辣辣地嘅通菜😳好有泰國街邊風情嘢飲方面仲叫咗青檸梳打同埋泰式奶茶真係好喜歡呢一間泰式小店嘅風味、人情同埋所有食物價錢仲唔貴添😻😻😻

都聽過幾個朋友講話呢間食店不錯，咁我今日經過開就試下喇，間店就冇乜裝修咁，簡簡單單，跟住叫左個泰式打拋豬肉煎蛋飯。個樣都正正常常咁喇，但食左一啖即刻覺得好驚喜，一開始驚會好乾，但原來個底好多汁，完全唔會乾，做得亦好正宗，感覺係係泰國度食咁呀🤣

呢間泰國餐廳係條馬路側邊,但一d都唔起眼。沒有起眼既門牌,沒有豪華既裝修,但帶著泰國原汁原味既味道。餐牌都只係白字黑字,沒有圖片。所以食物價錢大約50至70蚊,叫左泰式雞扒飯同埋炒金邊粉。泰式雞扒飯,個汁係沙嗲汁,無論汁既濃度,香味,咸度都係100分。雞扒用左香茅處理過,所以雞皮雞肉都好香。金邊粉足料唔馬虎,有蝦有蛋,金邊粉炒得岩岩好,唔乾唔濕,條條分明,口感煙韌。最後叫左柸青擰梳打,都係好正。。

今日同朋友約左係北角食飯，餐廳係佢揀既，我淨係去到食就得啦。我地兩個都叫左海南雞湯檬粉，雞肉份量唔多，滑唔滑就睇下佢比咩部位，好似我個碗就比較多雞胸，所以幾鞋口。除左雞肉，仲有豆pok一舊，蘿蔔一舊，蘿蔔唔係好入味，但係同個湯底一樣清清地，幾啱夏天食。碗野有一個加分位就係有好多肥嘟嘟芽菜，但如果好似我個friend咁唔鍾意食芽菜，可能加分變扣分啦😂野飲我地叫左泰式咖啡同泰式奶茶，兩杯味道都偏甜，但係咖啡香同茶香都幾突出，個人比較鍾意奶茶。

雖然住開尼區，不過都係第一次食尼間泰國菜，因為係最近OpenRice 睇到食評先知尼度有泰國菜食😂😂。平時去開天后食泰菜，太遲知道尼間好野了。 睇門牌先搵到，因為門面唔係裝修得好光鮮，好易miss左，其實佢係電車總站附近，或者坐地鐵去既，可以揀渣華道出口出，都好近，一條直路就到。間店係泰國人做廚，侍應係泰妹，不過廣東話我要專心聽先聽到，一來細聲，二來開放式廚房鑊聲好嘈，三來唔算講得好正？（個人認為，無貶意），不過泰妹態度十分好。睇左食評，知道要叫牛丸湯粉同串燒，咁我地兩人就叫左牛丸湯金邊粉，勁正👍🏼👍🏼👍🏼除左牛丸仲有幾片牛肉，最好味係尼碗無咩味精既湯粉，平時食開南記、譚仔，湯底會係得個咸字，尼個湯底係甜同鮮，應該用牛肉煮成，好好飲呀！驚為天人，估唔到食到去泰國時食既味道，仲要$43only! 咁多餸，抵到呢👍🏼👍🏼。又叫左雞肉及豬肉各一串，$15一串，一點都唔貴，肉嫰多醬，椰醬加左花生粒，好好食，肉大塊，唔係求其零丁幾塊仔，好食，佢既豬肉串係好食過雞肉串。炒椰菜苗都好好食，蒜同辣椒爆到好香，不過本人食到流鼻水，都辣辣地，雖然鍾意泰國菜，但本人其實唔係太食得辣🙈。泰式豬肉煎蛋飯，都好食

食泰國菜呢....望落愈呢啡，愈地道嘅。😂有日行過北角搵野食，搵搵下老遠見到一間「唔注重裝修」嘅小店，一望泰國小食，衝埋去睇，好多人，好小位，痴係出面嘅食物相完全歐起你嘅食慾，繼而望入去最搶眼就係有三個店員好努力係咁煮，係咁炒，係咁落單。第一次食係青咖喱飯，好好食呀，有肉有蔬菜，好送飯。唔係港式學泰菜，落雞肉落洋蔥青椒，佢落肉，豆角粒，通菜，紅蘿蔔，真係好感動食到個咁泰式嘅青咖哩。第二次食打拋脆皮豬肉飯，呢個不錯，未食過，有d溜，留左一半豬肉第二晚係屋企撈米線食。一定會再黎，試曬佢全部野食。（望下呢度食評先知入左米豬蓮，行過嘅話必試呀各位！）

番工不忘食好西！聽表妹講北角有間泰國野好好味，即刻bookmark咗到咗番工日就衝咗去試。由炮台山行咗十幾分鐘就到，出面睇落唔吸引，但行入去絕對唔會令大家失望！店內大概只有十幾個位，好彩我去嘅時候唔太多人😋順利揾到位，舖面好有泰國特色，小本經營，店員應該都係泰國🇹🇭人，舖頭貼滿食物嘅相比大家參考，夠哂方便！見到周圍嘅人都係食打拋豬肉，我都唔執輸嗌咗個配金邊粉($55)😋，落咗單後，店員會即時炒，離遠都聞得到好香👃🏻，大概五分鐘就整好👍🏻，裡面有豬肉、蛋、豆角、洋蔥、芽菜、菜、金邊粉、泰國調味料，撈埋一齊勁香口！非常夾😍豆角同豬肉十分多，食哂金邊粉仲有淨，不過對於唔太食得辣嘅我嚟講有啲過辣，食到成頭汗😂如果你都唔太食得辣就可能要嗌少辣啦！👧🏻覺得今餐性價比超高😭成到成頭汗都一定會再黎！🤪仲有！！！店員服務態度超好，好好笑容，食完仲會一齊同你say good bye👋🏻👏🏻

Tired of the usual Thai food you get in nice restaurants. Where plates are pretty and it's all comfortable? Miss those days of sitting on a street in Thailand, eating away while the dust flies at you? Because you know ... that kind of food brings excitement. It's not boring. It's not refined. It's made from the heart by small families who care. And you think to yourself ... can't  seem to find that in Hong Kong.Well, yes you can. It's hard to find. So, I introduce you to one such place called To

8:30pm未食飽但很想吃串燒，在OpenRice 的搜尋下找到此店店舖環境得小，只有4張枱，每枱只可坐2-3人，油煙都會在店入遊走。一位泰籍女員工把我安排坐在廚房前，很大的油煙。點了豬肉及雞肉串燒，覺得豬肉較好吃，雞肉醃的較咸，但他們的沙爹醬做得真心好吃，等候時間約15分鐘點了泰式炒粉絲，等了約20分鐘才上菜，賣相一般，但吃下去有特別的味道，如果沒有估錯，應該是蝦膏味，略有驚喜龍眼冰不似外面的糖水，而是有得滋潤的口感，像冰糖溝出來的，喝了很舒服最後埋單$138，但計錯數收了我$188，經交涉後都有退錢，但下次最好自己計清楚才找數，他們只是跟記憶收費而已

自從幾個月前去完曼谷，就好掛住泰國菜！有日不經意進左北角呢間門面不討好既小店，一試便愛上了！店員是純正泰國人！菜式不多，但所有都十分十分好食！簡簡單單一碟炒蝦飯都好有驚喜！佢地既串燒更加出式！而家每星期都要去食一次，唔會唔安落甘，食左呢間泰國菜後真係番唔到轉頭！我覺得佢係全香港最好食既泰國菜！！！大愛！！！唯一不足係小店座位很少，全部食物都即叫即做，會比較慢，同夏天去好熱，但真係值得滴住汗去等！真心推介

Got introduced to this place by my coworkers during lunch. It's a small restaurant that's run by some friendly people. I ordered the pad thai and we shared a couple skewers. The pad thai was only 50HKD and was delicious. The skewers we ordered were a little pricier in comparison being 13HKD each, but they were really good as well. There are pictures all over the walls of their menu which makes it easy if you can't read chinese. Definitely recommend going there to eat!