拉麵天王

营业中

休息中

宜家疫情严峻，有得拣我平时都尽量买外卖返公司食。不过呢食拉面我就觉得要坐响店内食，配合埋个环境同气氛。呢间拉面天王店内调味料，水壶，连个菜单选项感觉都似足豚王，不过价钱比较相宜。第一次食试左两款限定天王 $92 胡椒天王香浓胡椒猪骨汤底加芝士，虽然有点腻但忍唔住不停饮汤。配料有粟米粒，葱粒，半只溏心蛋，卖相几丰富，叉烧唔够厚身，但半肥瘦都唔错。力二天王系螃蟹油结合猪骨汤底，都几香浓，但我比较喜欢胡椒汤底。两只松叶蟹钳，肉少口感一般，实在有点失望。不过配料有椰菜，笋片，洋葱粒及葱粒，加埋溏心蛋同叉烧都非常足料。另外块蟹形紫菜都算系有心思。两款小食响食完碗面之后先到，我差点以为漏单预备埋单取消。烤饺子 $30 少少脆皮，饺子馅几多。炸鸡 $38 外形有点似麦乐鸡，但咬落都食得出系鸡肉。