新泰國廚房

营业中

休息中

這個星期日去開葵涌，第一次來這附近，並不知道有甚麼好吃，剛好見到這間泰國餐廳，便進去了。進餐廳時未到正午，所以只有我們一檯客人。我叫了豬頸肉冬蔭公金邊粉。豬頸肉好食，冬蔭公湯底可以再濃一點，略嫌金邊粉唔夠「索」湯底的味道。男朋友叫了豬頸肉炒飯，偷食左一啖，都係覺得可以再濃味一點。另外叫了一個蝦餅，小食反而有驚喜，熱辣辣夠香口，點埋甜酸醬食好滋味。至於飲品我叫了龍眼冰，個人覺得甜得滯，龍眼味唔太出。總括而言不過不失，但價錢頗親民。專登去食就唔會啦，但如果係街坊應該都係一個不錯既選擇。（到走既時候約一點，已經多左好多檯客人了～）