Olive Cafe (和富中心) (已結業)

晚餐石烧之选，价钱亲民不特只，沙律、餐汤同日本珍珠米饭仲可以无限量添加。餐厅提供胡麻酱同和风酱汁俾食客作沙律酱汁。而另一个位置就提供咗蒜蓉汁同牛肉汁、俾大家点石烧扒类之用。Olive冇骨鸡髀扒200g大大块嘅鸡髀扒，去哂骨啖啖肉。基本上已经熟咗先上枱，所以唔使再喺石上烧好耐。鸡髀扒够哂嫩滑，当然系配上蒜蓉汁最正啦。澳洲M5黑毛和牛板腱牛板腱大约五成熟，再喺热石上烧一阵，就更加perfect。牛板腱粉红香嫩，虽然有拎到牛肉汁，但其实洒上岩盐同黑椒先系最好味。惠顾晚餐石烧之选，加$12就可以有茶、啡或汽水。加$18仲可以品尝奶昔或各式特饮添。