影片
更多
2008-08-03
71 浏览
7月30日星期三一行4人7:00p.m去到, 去到唔算好多人, 去到有窗口位坐, 后来差唔多坐满, 都唔觉得迫, 因我个边都好阔落下, 系拎野食就远d啫! 其实2 、3年前黎过, 环境比上一次黎觉得好左, 同埋做紧"泰日美食节",依家唔用coupon都有7折, 折实连加一$206/位, 几抵 一去到waitress就问我地饮d咩, 有红/白/啤酒、橙汁汽水等,不用加$$, 另外知道佢地除左出面d野食外仲可以order野食, 睇左后原来得共4款,包括:日式: 天妇罗多春鱼 & 烧鸡翼 ====> 味道几好, 鱼唔厚粉, 鸡系盐烧, 好香口泰式: 沙爹牛串 & 鲜鱼肉酿红毛丹 ====>牛串好味, 毛丹呢个冇食, 但朋友话配搭古怪, 唔好食跟住就出去开餐喇1)沙律bar: 种类唔多都系粟米、番茄、生菜个d, 冇见黄㖞, 望落新鲜, 不过第一次食buffet冇食沙律, (因为太多other choice,个肚冇位俾佢)而佢另外一边有泰式木瓜沙律, 南瓜沙律咁啦,2)海鲜: 有青口、 小龙虾、 长蟹脚、螺、
其实2 、3年前黎过, 环境比上一次黎觉得好左, 同埋做紧"泰日美食节",依家唔用coupon都有7折, 折实连加一$206/位, 几抵
一去到waitress就问我地饮d咩, 有红/白/啤酒、橙汁汽水等,不用加$$, 另外知道佢地除左出面d野食外仲可以order野食, 睇左后原来得共4款,包括:
日式: 天妇罗多春鱼 & 烧鸡翼 ====> 味道几好, 鱼唔厚粉, 鸡系盐烧, 好香口
泰式: 沙爹牛串 & 鲜鱼肉酿红毛丹 ====>牛串好味, 毛丹呢个冇食, 但朋友话配搭古怪, 唔好食
跟住就出去开餐喇
1)沙律bar: 种类唔多都系粟米、番茄、生菜个d, 冇见黄㖞, 望落新鲜, 不过第一次食buffet冇食沙律, (因为太多other choice,个肚冇位俾佢)而佢另外一边有泰式木瓜沙律, 南瓜沙律咁啦,
2)海鲜: 有青口、 小龙虾、 长蟹脚、螺、 虾几款,唔多choice,虾大只, 螺好味, 佢同长脚蟹成日俾人拎晒, 同埋佢每次refill系密但份量唔多, 食唔食到睇你勤唔勤力出去觅食喇
3)寿司区: 鱼生5款左右, 都系大路野, 吞拿、三文个d, 冇甜虾、北寄贝呢d食 食左三文鱼,食落新鲜, 不过唔系即切, d鱼生摆到乱乱地好似唔系咁好, sushi就冇食, 因为黎到呢度梗系唔食饭啦! 另外附近仲有日本墨鱼仔、中华沙律、日式芥末豆腐(唔好试,难食)、冷面(配埋个sauce好味),跟住隔离仲有我最中意既烟三文鱼, 仲有一种熏鱼都系生既, 少见d都几好味
4)熟食又估唔到佢有咁多同会转款, 比好多地方还多, 由7:00-8:30p.m我地埋单走呢段时间佢都有不停check住d野食够唔够, 除refill好快仲有d转埋款添, 剩系鱼同时蔬都出左3-4次,仲唔同款,唔会食唔到,款式大概有:
秋刀鱼、蒸斑、吞拿酿番茄、泰式猪颈肉、赤味噌煮鸭胸、炒时蔬、泰式炒米粉、日式烧鸡、咖喱炒蟹、鼓汁煮花甲、关东煮等, 花甲好厚肉,第一轮煮得好味d,第2轮唔够熟同热, 蟹就咖喱唔够香, 但大部份都好味道, 冇话有边款觉得难食, 算唔错。
5)厨房区:到另一边近门口埋边有个厨房仔, 有厨师注场帮d客人整pancake,同埋做小食/特式菜等, 其中有个用蛋壳黎做日式蒸蛋好特别, 又好味,仲有d串烧蔬菜, 茄子、蕃茄、瓜等, 又有班兰鸡, 炸腐皮、pizza (冇试, 见呢度话唔好食)、日式烧饼等等, 因厨房都系呢度, 所以呢度d野食都特别热辣辣架
6)汤品区: 日式蟹肉翅(几好味)、忌廉汤(冇试)、皮旦瘦肉粥(好绵)、花生糊(自己磨,系好香,但好粗粒,唔够糊同甜左d), 仲有一个咖啡机冲不同口味coffee饮添!
7)甜品有7-9款: 蜂蜜豆腐慕士、烧芋蓉酿甜蕃薯卷,仲有各类cheesecake同慕士饼等, 味道ok架,有d口味几淸新同配搭唔错,不过d酒柸甜品就唔得, 图中有奇异果系面个款jelly好鬼夸, 我系咬唔入, 摆落地下踩都唔散! 隔离仲放左几种面包, 焗机同 jam & butter讲漏左仲有牛奶公司雪条同雪糕柸, 唔驶"毕", 拎完行得, 不过觉得成日食到, so冇食到 !
8)生果: 6/7款, 西瓜最受小朋友欢迎, 好食好甜呀, 不过我谂可能浸左少少糖水, 因食完新鲜菠萝都唔"鞋"口
呢餐食左好鬼多野, 差d行唔"旭", 而我订位时提及过朋友生日, 问有冇特别优惠/平d, 佢话冇, 但原来佢预备左个蛋糕俾我地(我冇叫佢整), 我地已经食唔落, 佢叫我地拎走都得, 咁朋友就拎左返屋企留第2日食, 味道试左, 上层3分2系白色, 唔似系忌廉, 几坚挺, 应该牛奶慕士, 下层3分1就系清蛋糕, 又几好味,真系多谢晒佢地 虽然佢地唔系食d咩好高级野食, 论种类又唔够多, 但呢餐服务同环境搭够, 收碟同添饮都好快, 窗边位又开扬同唔嘈, 仲之觉得好满足同愉快啦
张贴
