真味源

营业中

休息中

观塘主打炖汤 嘅餐厅唔多， 见到呢间真味源，一于试试佢。餐厅 比较窄，但地方光猛干净整洁，坐低侍应俾咗杯麦茶，麦茶好香，几好饮。川芎白芷天麻炖鱼头  $60川芎白芷天麻炖鱼头 汤，有助改善头痛头晕，袪头风补血气。饮得出汤冇味精，天麻味好重。 系妈妈以前煲嘅味道。淮山杞子圆肉炖日目鱼$60炖汤一人份量原炖盅上，上菜时非常之热，都要等咗一阵先至可以饮到落口，材料充足，眼见有淮山，杞子，圆肉，鱼，入口清甜，冇味精，炖汤火候时间非常充足，日目鱼入口即溶。土鱿莲藕肉饼饭 $46（笼仔蒸饭加配任何炖汤减$10)蒸饭热辣辣蒸起，肉饼 够大块， 饭里面伴住啲菜头， 加上少少豉油同蒜蓉搅拌埋啲白饭，唔会太咸味道啱啱好， 用荷叶蒸嘅饭都特别香。因为我有嗌咗一个炖汤，蒸饭平咗$10，所以$ 36有一个蒸饭，都几抵食。