GANTO GELATO

营业中

休息中

我第一次食依间gelato 系系旧店，今次系第二次再食，仲记得旧店要上楼，地方好细，仲要排好长龙，依家搬左新店，虽然冇旧店咁方便，但地方大好多，仲有位可以比客企系度食。今次因为知道出左唔同浓度既抹茶，就专程去观塘试。去到店后先排队买左要边个size，跟住如果想先试下味就同店员讲，我主要试味试左15%及20%抹茶，最后我同朋友一人叫左两款唔同味道。我简左抹茶3号浓度20%同日本焙茶，而我朋友就简左玄米茶同豆腐红糖。4款味道我最中意玄米茶，好清香，真系好似饮紧玄米茶既感觉。抹茶就真系超级浓，偏苦涩，相信抹茶控一定可以满足到，至于日本焙茶就系预期既味道，都系唔错既选择，最后最特别莫过于系豆腐红糖，真系好似食紧豆腐花咁，又唔会好甜。其实其他味都好想试，不过真系食唔到咁多，唯有等下次。