玉桃軒酒家 (鱷魚恤中心)

营业中

休息中

星期日同家人饮下午茶，喺观塘鳄鱼恤中心随意揾咗一间酒楼。👀餐厅环境：唔错。几钟意个落地玻璃位，可以望到观塘近地铁站景色，光线十足。推介美食：红烧BB鸽肉质细致，炸得啱啱好唔会太㶶，保持肉汁，外皮脆脆，新鲜炸起。五式点心拼盆有五件点心大大嚿好抵食，包括虾饺，粉果，豆苗饺，姜汁糕和合桃包。想赞吓粉果馅料正宗丰富，合桃包也唔会太甜馅料合桃味浓，唔错。咸菜猪大肠其实邪恶之选，但久唔久食都唔错，咸酸菜非常入味。豉汁煎酿茄子有四大嚿，新鲜整起，俾咗虾饺和鱼肉酿成，配合茄子好夹。蚬芥炸鲮鱼球鲮鱼球炸得松化，蚬芥酱好野味。金丝脆蛋散性价比高，好大碟，但橙食得出蛋味配上蜜糖，好味。总括嚟讲，点心质素都唔错，而且有下午茶优惠，假日只系每样加$3 ，都算抵食。