影片
更多
2023-05-21
1365 浏览
🥟观塘即叫即制巨型点心🥟-呢间观塘嘅点心店，系朋友介绍嘅，估唔到夜晚嘅时候都爆场。点心呢样嘢其实味道上大同小异，其实好唔好食最主要就系睇蒸炸嘅火候、足唔足料、款式多唔多。呢度嘅点心，其实个人觉得几惊喜，因为佢真系超级巨型，净系虾饺同烧卖为例，都系平时饮茶嘅1.5-2倍大😨。平时食点心有个问题，就系食一粒唔够喉，食多一粒又唔够分，呢度就完全冇呢个问题，因为你净系食一粒都觉得好满足😂，我谂如果女仔嚟食真系食几份就会好饱。最好食嘅反而系呢度嘅包点同煎炸嘢，例如墨西哥叉烧包，煎萝卜糕、咸水角、同埋蒜蓉芝士鲜虾长春卷。咸水角入面系有鹅肝，食落特别香，外皮烟韧但唔会好油，出色！价钱唔算好平，小点$25，中点$27，顶点$33，特点$37，不过以佢𠮶份量来讲都绝对可以接受啦。
-
呢间观塘嘅点心店，系朋友介绍嘅，估唔到夜晚嘅时候都爆场。
点心呢样嘢其实味道上大同小异，其实好唔好食最主要就系睇蒸炸嘅火候、足唔足料、款式多唔多。
呢度嘅点心，其实个人觉得几惊喜，因为佢真系超级巨型，净系虾饺同烧卖为例，都系平时饮茶嘅1.5-2倍大😨。平时食点心有个问题，就系食一粒唔够喉，食多一粒又唔够分，呢度就完全冇呢个问题，因为你净系食一粒都觉得好满足😂，我谂如果女仔嚟食真系食几份就会好饱。
最好食嘅反而系呢度嘅包点同煎炸嘢，例如墨西哥叉烧包，煎萝卜糕、咸水角、同埋蒜蓉芝士鲜虾长春卷。咸水角入面系有鹅肝，食落特别香，外皮烟韧但唔会好油，出色！
价钱唔算好平，小点$25，中点$27，顶点$33，特点$37，不过以佢𠮶份量来讲都绝对可以接受啦。
张贴
