豪隍點心工房 (已搬遷) 新店位置

听屋企人讲阁楼间分店装修完，好喇是日中午突然心血来潮，一人前到豪隍填肚。装修前后分别唔大。估计最少要等10几分钟，唔知真系好运，定系咪真系好多人去咗旅行，刚好有一张二人枱，免等位（平时一般午市要喺楼梯等餐懵）。坐低开咗茶，发觉有午市套餐，$49一主食、一点心，可以加钱转西式饮品。而我只点咗一个烧排骨汤米线、高汤鲜竹卷，加埋茶钱盛惠$55，以观塘商贸区嚟讲相当抵食。烧排骨汤米线先上，但发觉排骨俾我想像有些少出入，本以为系烧腊舖𠮶啲长条型烧骨，实物现形似红烧排骨。虽然多半系急冻排骨，但食落啲肉质弹牙，感觉唔到有雪味；汤是清汤加了腐皮，提升咗汤汁层次，值得推荐。至于高汤鲜竹卷，味道较清淡，馅料里面啲蔬菜占大比数，如喜欢清淡何妨一试，感觉唔到有味精，食完唔会狂灌茶灌水。