影片
更多
2023-03-14
117 浏览
今日放假想叹个weekend brunch，见到呢间Flames系openrice同google评价都唔错，一于试下呢个澳洲式嘅早午餐！呢间旗舰店除咗楼底高之余，有近半位置系开放式酒吧，装潢以浅木色素搭配绿色植物，感觉清新舒服！如果拣Brekkie或者Brunch menu加$15就有是日餐汤或者沙律，蘑菇汤幼滑香浓，口感丰富，沙律就系烟三文鱼沙律，清新开胃，两款都系唔错嘅前菜！1/2葡式香辣烧春鸡配薯条（$128）果然系餐厅其中一款招牌菜式，切落件鸡热辣辣又超多汁，鸡皮微脆香辣，鸡件肉几嫩，薯条炸到外脆内绵，蘸埋茄汁同特调香辣酱汁超惹味！FLAMES特盛早餐（$158）有烤烟肉、烤香肠、炒蛋、炒杂菇、烤蕃茄同酸种面包，非常丰富，炒蛋几滑，其中炒菇同烟肉嘅咸味比较突出，个人觉得如果面包可以更香软就好啦。钟意食甜品嘅朋友不妨加$35试埋自家制蛋糕，今日就食咗chocolate mousse cake，口感结实绵密，朱古力味超浓郁，面头嘅开心果仁碎增加口感同香气！饮品方面，我哋加咗$18试下佢嘅Iced long black同Latte，热咖啡比冻咖啡出色，如果想饮杯酒，仲有买一送一，几抵
呢间旗舰店除咗楼底高之余，有近半位置系开放式酒吧，装潢以浅木色素搭配绿色植物，感觉清新舒服！
如果拣Brekkie或者Brunch menu加$15就有是日餐汤或者沙律，蘑菇汤幼滑香浓，口感丰富，沙律就系烟三文鱼沙律，清新开胃，两款都系唔错嘅前菜！
1/2葡式香辣烧春鸡配薯条（$128）果然系餐厅其中一款招牌菜式，切落件鸡热辣辣又超多汁，鸡皮微脆香辣，鸡件肉几嫩，薯条炸到外脆内绵，蘸埋茄汁同特调香辣酱汁超惹味！
1/2葡式香辣烧春鸡配薯条
$128
11 浏览
0 赞好
0 留言
FLAMES特盛早餐（$158）有烤烟肉、烤香肠、炒蛋、炒杂菇、烤蕃茄同酸种面包，非常丰富，炒蛋几滑，其中炒菇同烟肉嘅咸味比较突出，个人觉得如果面包可以更香软就好啦。
FLAMES特盛早餐
$158
8 浏览
0 赞好
0 留言
钟意食甜品嘅朋友不妨加$35试埋自家制蛋糕，今日就食咗chocolate mousse cake，口感结实绵密，朱古力味超浓郁，面头嘅开心果仁碎增加口感同香气！
15 浏览
0 赞好
0 留言
饮品方面，我哋加咗$18试下佢嘅Iced long black同Latte，热咖啡比冻咖啡出色，如果想饮杯酒，仲有买一送一，几抵玩！
张贴
