百年路 (已結業)

印象中，观塘嘅星马餐厅唔多，以前最钟意去码头间拿督，直到今时今日，我始终认为佢哋嘅喇沙系全港最好食，不过已经好几年冇去过啦。早前，无意中有幸揾到百年路呢间有质素嘅星马餐厅😀。去到门口，一睇餐牌，喇沙呀虾汤面呀巴东牛肉呀啦啦粉呀等等等等，好多嘢都好想食🤤，最后落单一刻就决定试下店员推介嘅老街肉骨茶。以五十零蚊嚟讲，呢个肉骨茶性价比绝对高，𩠌多汤多，配送嘅油条同白饭都大大份。呢度嘅汤底味道较浓，药材味同猪肉嘅鲜味同样丰富，用嚟捞饭食一流。我最钟意食豆卜，因为蘸满汤底，入口即爆汤，好正😍；另外，肉排肥瘦均匀，唔会好似一般煲汤瘦肉咁鞋飒飒，点辣豉油食，好味👍；其余配料仲有生菜，金菇同冬菇，食哂成煲，清埋白饭同油条，饱到上心口😂，再饮杯我至爱嘅青桔酸梅水，呢餐劲满足🤗。