百年路 (已結業)

工廠大廈深處，抵食之選！想食薄餅、食飯、食麵、湯飯通通都有，容易符合大群人嘅不同需要。佢都多位所以多人都可以去食，個場唔算好爆，但去到兩點都滿座。食物中規中矩嘅好食黑椒豬扒雞翼乾撈麵，醬汁完全唔油膩，仲有啲炸過嘅蒜片，香脆、味道豐富，間中夾吓啲青瓜食會有助解膩。另外佢啲豬扒同雞翼都好好食，唔係普通炸，而係醃過有香料嘅豬扒同雞翼，應該係香茅豬扒同雞翼嚟！仲有個地方十分加分同驚喜，塊豬扒食嘅時候仲係熱辣辣，唔係預先炸定！今時今日觀塘嘅繁忙時間，都可以食到唔係預先炸定嘅嘢，真係少有了。(*當然都有可能咁啱佢炸起)同事話佢嗰碗肉骨茶中規中矩，不過好似少有見到肉骨茶有冬菇同金菇另外海南雞飯都係正常表現~Ps 意外地佢廁所十分整潔~

百年路好味抵食星馬泰菜。晚餐有埋特飲都只不過係$61｡肉骨茶好濃,配飯真係一流｡肉質非常軟，好似係食jelly咁樣，而且有豆卜金菇同埋生菜記住要點辣椒醬油。喇沙摻摻超級有椰奶嘅香濃,湯底嘅炸蒜係神來之筆｡面底是兩溝(米粉､油麵)｡記住要加少少辣嘅蒜油醬汁，因爲辣味唔會太多，但係極惹味。真係大飽口福｡食到超級飽。特飲羅漢果桂圓紅茶好甜好清爽。椰汁冰超級多配料老闆好好人,雖然快收工同埋無咩客人都照熱情招呼!

今次發現左呢間CP值超高既寶藏小店😍😍我地去到門口見到寫住話包場 諗住下次再試啦點知好好彩地老闆咁岩出左黎,見我地好想食就招呼左我地入去😆✨星加坡叻沙(摻摻) $50喇沙既椰奶香味好濃郁, 唔會太稀太杰身配埋老闆自家炒既參巴醬黎食簡直係畫龍點晴, 雖然有少少辣但加左個醬令湯底𣊬間變得香濃惹味 真係飲曬成碗都仲得摻摻係米粉+油麵, 雙重口感好過癮仲好索汁配料有熟蛋、魚片、豆卜& 蝦, 勁足料!星星推薦度：⭐️⭐️⭐️⭐️⭐️/5✨百年路蝦湯麵(摻摻) $50湯底係微辣同喇沙相比就相較失色, 冇咁惹味但都非常足料,有蝦肉,雞肉,熟蛋,通菜米粉&油麵都係爽口唔會太淋星星推薦度：⭐️⭐️⭐️⭐️/5✨Sambal雞翼 $28/5隻好脆皮 燒得岩岩好肉質嫩滑 可能要整到岩岩好熟既程度先有嫩滑既口感咁岩有一隻咬到一半仲有血另外調味比較輕手左少少, 醃得未夠入味星星推薦度：⭐️⭐️⭐️/5✨班蘭葉拉茶 $8 跟餐第一次飲, 好特別茶味香濃幼滑同班蘭味好夾🍀以呢個價錢有咁高質既食物質素真係冇得輸雖然包左場但老闆仲好nice 好熱情去招呼我地好感動

觀塘抵食東南亞風味餐廳，提供多款星加坡及東南亞菜式，主打香濃口味!!🔥- 星加坡叻沙(摻摻)HK$50 🍜🦐惹味之選叻沙摻摻!!叻沙湯底十分惹味，帶有微微椰奶香氣，味道微辣，加入鮮味蝦醬，湯底鮮味又有層次好有星加坡風味!!摻摻即係米粉溝油麵，雙重口感係星加坡叻沙特色。現料比得大方，有熟蛋、魚片、豆卜及大蝦，蝦肉口感爽脆，但蝦味不明顯，非常適合掛湯!!- 老街肉骨茶配油條白飯 HK$58 🐷🍚- 仁哥哥海南雞黃姜飯跟湯 HK$58 🐣🍚- 泰式鹵水豬脾飯跟湯 HK$58 🐷🍚- 巴東咖哩牛飯 HK$50 🐂🍛

🇹🇭🇸🇬🇲🇾觀塘經濟東南亞菜▫️晚市免收加一，但肉骨茶同蜆都賣曬☑️ 特色酸辣豆腐 - $32豆腐大約有5塊，炸得好香脆，搭配大量泰式酸辣醬汁，十分開胃，而且上面有青瓜絲及炸蒜增加口感，係呢到首推香口小食。☑️ 辣蝦湯通菜 - $20湯底好重蝦味，但飲落又會辣辣地幾刺激，通菜翠綠，份量都OK，$20黎講性價比幾高。☑️ 黑醬豬扒雞翼乾撈麵 - $58撈麵係油麵黎，而黑醬係佢地自家製嘅黑醬油，甜甜地。雞翼有2隻，炸得香脆，豬扒亦都有一大塊，可以切到4-5件。蒜蓉係另外附上，我全部倒曬落去，蒜味同黑醬油撈埋個麵好味。☑️ 香葉辣肉碎生菜包 - $88生菜新鮮爽脆，有大約6，7塊，肉碎辣度適中，酸酸地幾惹味。☑️ 椰汁冰多冰 - $18平時出去飲椰汁冰都要30幾蚊，呢到$18就有，都算幾抵，大杯得黎好香椰汁味，而且仲有3款吾同顏色嘅粉條，色彩繽紛，又有d咬口。🔸 百年路🔸地址：觀塘成業街19-21號成業工業大廈1樓106室#晚餐#經濟之選#東南亞菜#工廈美食#觀塘美食#成業工業大廈#泰國菜#肉骨菜#叻沙#新加坡菜#馬來西亞菜

🥢這間推薦！老闆和店員人都很好💗🥢不小心兩人叫了三個主食、兩樣串燒😂———▪️老街肉骨茶（小）$68肉骨茶大致分成：1️⃣胡椒味［新加坡🇸🇬］2️⃣藥膳味［馬來西亞🇲🇾］這個屬於藥膳為主的，先苦後鮮甜。喝起來不會鹹、不會渴，是舒服順口的。適合冬天稍涼的時候來一碗🤎而且非常多料：肉也嫩😙😚🥰！▪️香葉辣肉碎生菜包 $88這個問了店員要辣椒粉🌶️店員👨🏻‍🍳：「這罐粉超辣的，先加一點你們試試看！」結果..我和朋友都覺得沒有辣味？😂總結，覺得這個稍微偏淡了些🙈▪️串燒還不錯！特別是韭菜💚▪️黑醬豬扒雞翼撈麵 $58非。常。大。碗！😆🤭 用的是油麵，不過麵吃多有點無聊，感覺醬汁味道層次可以豐富一點🤪豬扒大就算了，炸雞翼也異常巨👍🏿大概是香茅口味的～ 好吃！

去開觀塘，就在OpenRice 睇睇午餐有乜好介紹。其中推介工廠區呢間食店。平靚正。去到嘅時候冇乜人，仼坐。到午餐時間就開始多人佢啲嘢食又真係唔貴喎。餐具獨立包裝，夠晒衛生。叫了新加坡喇沙(摻摻)。喇沙湯底味道好香濃，好正椰香味，個湯底好正，如果食得辣，就落埋隔離碟醬料。有好多配料，食到勁飽。如果唔想兩款面底，可淨叫一款面。我都係聽到隔離枱咁叫先知。馬拉青桔酸梅水，跟餐加六元。唔算大杯。不過都算抵喎。最後買單只係$56性價比真係好高。

百年路 Up Town地址: 觀塘成業街19-21號成業工業大廈1樓106室#yauyau_觀塘呢間餐廳雖然有啲遠，而且去到夜晚冇咩客，但係其實相當之好味。佢係觀塘少有嘅高質餐廳，仲好抵食，老闆會好貼心介紹啲餸俾你咁樣。🍜🍜星加坡叻沙(摻摻) $58佢嘅喇沙湯底非常之濃郁，超重椰奶味，配料都係魚片豆卜蝦蛋咁樣。面頭有啲炸蒜碎，碗湯香到飲晒成碗都得啊。🍤🍤百年路蝦湯通菜雖然碗嘢望落好清，但係你試吓搞一搞，底下啲蝦子就會浮晒出嚟，飲落完係超重蝦子味，非常鮮甜仲有少少辣，兩樣加埋令到佢碗麵非常惹味，食下食下就食晒啦。今次我夜晚先上嚟食，以晚市來講呢個價錢非常之平😋😋。而且冇乜人大家可以慢慢傾計，但係如果係平時中午嘅話可能有機會要等一等，但係相對呢佢中午飲品有半價優惠，但係優惠都係半年前食落㗎啦，唔知而家仲有冇呢。大家可以上去試吓。味道: 4.2/5服務: 4.5/5環境: 3.8/5番兜: 4/5 (好似就執)#觀塘美食 #東南亞美食 #美食　#好吃 #instafood #foodstagram #foodphotography #yummy #foodiehk #hkfoodie

一段時間冇去，聽到一個最令人唔開心嘅消息，就係老闆話呢排生意真係好差好差，好可能做唔到落去….一間咁有質素嘅餐廳做唔住真係好可惜！！未試過嘅朋友，鼓勵大家試一試，你就會明白點解百年路「執笠」將會係一個遺憾。😋 仁哥哥海南雞黃薑飯跟湯 $58雖然食咗好幾次都唔知邊個係「仁哥哥」，不過呢度嘅海南雞黃薑飯，雞肉鮮嫩而且無骨，黃薑飯唔會太油，恰到好處，加上秘製醬汁，可以話係錦上添花。😋 越香蔥油豬扒飯 $50食豬扒，最怕就係唔太un、難咬，豬扒鬆軟、入味，每一口咬落去都好Juicy，超級好味。老闆亦都細心到將一大塊豬扒剪開，令客人好容易就可以咬開，小小嘅心思，你就會知道老闆嘅細心。加埋呢隻太陽蛋同埋秘製嘅豉油汁，肥多幾磅都係抵嘅！😋 百年路蝦湯麵$50有時天氣太熱，最適合就係食湯麵，呢個湯麵唔會太油膩，有鮮甜蝦肉🦐又有嫩滑雞肉，最特別係呢度嘅摻摻一啲都唔馬虎，真係正宗嘅油面加米粉，咁樣嘅配搭，真係最好味！😋 特色薄餅 $20薄餅好食都唔需要點講，重點就係嗰個咖喱醬，而家諗起都想食，咖喱醬少少辣少少甜少少香，而加埋一齊就💯😋 班蘭葉拉茶（跟餐加$6）呢杯奶茶真係出色，好香嘅班蘭葉、茶香奶滑，必試

一試難忘強烈推薦！斗膽講句好味過出名果d🤤👍🏻味蕾真心被感動，推薦大家真係要試🥹尤其吃貨、食家、食評人、響觀塘返工、去開觀塘嘅朋友們，一定要試下！！！一試便知龍與鳳！老闆好nice同細心，唔會hard sell，食得好舒服有家的感覺。性價比極高既小店，呢個價錢，料多而且新鮮，感受到老闆是一個熱愛烹調既大廚，好有心！同朋友兩個人實在食唔到太多，一定會再去多幾次，試哂餐牌上既美食😋😋😋😋😋

🤠好適合三五知己小聚吹水食好野，不斷encore😆😆好有驚喜！豬頸肉 ～超香口野味爽口 好好味 👍🏻😋生菜包～肉碎好味層次豐富蝦湯通菜 ～五粒星 第一口會辣口 之後愈食愈唔停😍肉骨茶～ 好順口好岩口味燒魷魚～ 好香口配酒一流🤤串燒都好香好juicy，特別推介羊肉串👨🏻‍🦱老闆態度好nice 價錢親民又好味😋😋真心推薦 小本經營 要多多支持良心小店🤗大推大推🙌🏻🙌🏻第一次忍唔住要寫食評大讚😄😄

肉骨茶屬於藥材款第一口覺得濃郁但接下來已覺得不算太濃對於追求濃味的人可能覺得太淡肉排有三大塊不過可能肉骨茶的味道偏淡所以肉排吃不到肉骨茶的味道白飯就偏硬了即使拌入肉骨茶也是硬了點

✨點樣食推介✨💛良心星馬菜💛💛觀塘黃店💛百年路地址：成業街19-21號成業工業大廈1樓106室🍖星加坡叻沙(摻摻) $50 (8.5/10) 🌟好味道🌟摻摻嘅意思就係一半米粉一半油麵，啱曬花心嘅人🤣，佢嘅叻沙湯底好濃郁超重椰奶味😝，配料仲有魚片頭、蝦、豆卜、蛋同雞肉，雖然配料冇湯底咁出色，但大大碗又足料嘅叻沙足以吸引到我再黎幫襯！🍖瑪沙曼牛肋條配薄餅及飯 $50 (8/10)勁爆高卡路里嘅一碟飯🤣 牛肉份量好有誠意👍🏻👍🏻🍖蝦湯通菜 $？ (9/10) 🌟好好食🌟話說本人本身係嗌蝦湯麵但黎左玩叻沙，老闆覺得唔好意思就送左個蝦湯通菜比我一嚐蝦湯嘅滋味🤣 我本身見到碗野咁清好似冇咩料到，一飲真係不得了，超重蝦子味！成碗野極度鮮味又帶一點辣😍，忍唔住瘋狂飲d蝦湯！食完碗通菜即刻見到個底沈澱左勁多蝦子，勁足料！ 下次黎一定要食返佢嘅蝦湯麵😝🍖特色酸辣豆腐 $28 (7.5/10)見到平所以嗌黎食下，以為佢係凍嘅所以第一啖唔為意就差d比佢燙親😂，不過不失嘅一碟唔知係咪開胃菜嘅開胃菜(?) 好似作為開胃菜黎講佢熱得濟🤣🤣🤣🤣🍖馬拉青桔酸梅水 跟餐$6 (8/10)酸酸甜甜勁解渴抵飲，平時肯定要加1

印象中，觀塘嘅星馬餐廳唔多，以前最鍾意去碼頭間拿督，直到今時今日，我始終認為佢哋嘅喇沙係全港最好食，不過已經好幾年冇去過啦。早前，無意中有幸搵到百年路呢間有質素嘅星馬餐廳😀。去到門口，一睇餐牌，喇沙呀蝦湯麵呀巴東牛肉呀啦啦粉呀等等等等，好多嘢都好想食🤤，最後落單一刻就決定試下店員推介嘅老街肉骨茶。以五十零蚊嚟講，呢個肉骨茶性價比絕對高，餸多湯多，配送嘅油條同白飯都大大份。呢度嘅湯底味道較濃，藥材味同豬肉嘅鮮味同樣豐富，用嚟撈飯食一流。我最鍾意食豆卜，因為蘸滿湯底，入口即爆湯，好正😍；另外，肉排肥瘦均勻，唔會好似一般煲湯瘦肉咁鞋颯颯，點辣豉油食，好味👍；其餘配料仲有生菜，金菇同冬菇，食哂成煲，清埋白飯同油條，飽到上心口😂，再飲杯我至愛嘅青桔酸梅水，呢餐勁滿足🤗。

其實今日本身諗住去另一間食，去到呢間門口，老闆熱情地sell我入去食，於是就係咁入咗去試。睇餐牌，都幾多選擇。最後選了叻沙，因為本身喜歡叻沙之外，仲想比較一下邊間嘅嘅叻沙好味啲。結果係，呢間都屬於中上嘅。因為個湯係幾好味，雖然d餸就比較一些店遜色，但係連野飲都係五十幾蚊咋喎！個湯底，椰奶夠香，最醒神係另上果碟沙茶醬，唔算辣，但令味道提升好多。麵質我好欣賞，因為滲滲的油麵同米粉佢煮得軟硬度較相近，食落感覺口感一致d。杯紅棗茶，好多紅棗，加分。