日月堂

营业中

休息中

今日观塘行街食饭，朋友话呢间台式小店唔错，位置有啲隐蔽，喺兴业街转入一条小路再行到尾上工厂大厦。 餐牌选择都是地道嘅台湾菜式，招牌台湾面，台式便当，蛋饼同台式小食等等。枱面放咗盐酥粉同梅粉及酱油，客人可以因应自己嘅口味加调味粉。宜兰花枝丸花枝丸好大粒，外皮炸得好酥脆，内里好有咬口，爽口弹牙，仲食到好多鱿鱼粒粒，外面晒左盐酥粉好惹味，我自己再加左啲梅粉，酸酸甜甜好开胃。起司肉松蛋卷饼🫔半溶既芝士配上满满嘅肉松好夹，蛋香味浓，配上特制嘅酱汁更惹味，芝士嘅拉丝效果都好吸引。红烧牛肉面🍜汤底十分浓郁，面身爽口弹牙；红烧牛肉煮到十分淋，入口软熟，牛味香浓，口感层次丰满；仲有其他配菜，包括酸菜，青菜同萝卜，萝卜都煮得好淋好入味，配埋酸菜酸酸甜甜更开胃。🍗卤鸡腿便当🍱鸡腿好大只，肉质结实冇咩肥肉，不过里面卤得唔太够入味，卤蛋都系一样唔够入味，反而卤肉够晒入味，肥瘦适中，卤汁比例偏向咸味多啲，捞饭捞埋酸菜食一流。🍋金桔柠檬绿茶都几大杯，酸酸甜甜几开胃，甜度适中，茶味比较淡，感觉音乐又似金桔柠檬又似百香果。桂圆红枣茶甜度适中，够晒热好暖胃，养生之选。整体来讲，食物质素不错，价钱合理；服务态度良好。