日月堂

营业中

休息中

放工同朋友去食台湾嘢，呢间餐厅喺观塘APM附近嘅工厦，入边嘅格局有少少似去咗台北西门町食嘢嘅感觉。红烧牛肉面 $70作为一个成日飞台湾嘅雀仔嚟讲，我最讲究就系食物嘅热度，最紧要平靓正！我就好钟意食牛肉面嘅，呢度啲牛肉大大块，红烧汁有台湾感觉，不过太大碗我都食唔晒。牛三宝面 $80（牛腱肉，牛筋，牛肋条）朋友就比较为食，所以佢就叫咗一次满足晒三种口味嘅牛三宝。佢就话牛肉同牛筋够软又唔会烂到散开。呢位朋友啱啱先去完欧洲返嚟，所以佢比较有要求。🙈面有啲煮过火，质感就比较柔软。我就觉得OK嘅。台湾香肠 $40用咗啲胡椒同埋盐调味、仲有好多切开嘅蒜片，味道似夜市𠮶啲。宜兰花枝丸 $38花枝丸大大粒！Q弹！冻香芋奶茶 $26我其实好钟意食芋头风味嘅食物，所以就拣咗呢个香芋奶茶，果然冇令到我失望，有香芋雪糕嘅感觉，不过味道就偏淡，唔钟意甜嘅女仔啱晒。冻冬瓜茶 $10朋友比较怕热，所以佢就拣咗呢个清热解渴嘅冬瓜茶。好大杯，消暑一流。