皇后冰室

营业中

休息中

今日去住观塘朋友屋企攻打四方城，佢推介呢间开喺工厦内既皇后冰室，我哋买左4客下午茶餐外卖，平均$50有齐主菜及饮品，而且仲有好多选择，真心平靓正。磨菇汁焗鱼柳配珍珠饭：鱼柳厚肉无雪藏味，沾满磨菇汁，啱啱焗起，充满芝士香气，珍珠饭底焦香好味，粒粒分明。脆烤香草鸡扒伴野菌烧汁意粉：块鸡扒成个外卖盒咁大，腌得好入味，煎到金黄色，再与意粉一齐炒，配上惹味烧汁，味道一流。香煎自家汉堡扒配黑椒汁珍珠饭：自家制汉堡扒，纯手工制作，肉质嫩滑，入口相当juicy，黑椒汁调配得宜，倍添美味。意式肉酱焗意粉：意粉煮得软硬适中，每条都挂满蕃茄酱汁，肉酱同芝士份量都好多，加上香草，口感非常丰富。总结，茶记质素，食材却绝不马虎，制作用心，物超所值。