皇后冰室

营业中

休息中

今日同朋友倾开，观塘呢间皇后冰室cp值劲高，好食又平民化，所以二话不说就去食下先。一行到入去就见到有幅好大好靓既粉笔画，果然系好用心既设计。但最谂唔到既系佢地既下午茶竟然有咁多选择。 佢并唔系一般茶记既普通常餐下午茶，而真系高质有扒有蛋包饭，真几正。我地叫左三文鱼蚬肉忌廉汁天使面，好香忌廉味，冻左都唔会腻，而且三文鱼同蚬肉好夹。 西西里鸡扒蛋包饭，做得卖相好靓，珍珠米都好滑，每一啖都好丰富。 鸡扒大件又够稔，同个酱汁又夹，搞到忍唔住真系要食晒。 然后最正系铁板纽西兰西冷配洋葱圈，西冷扒质好稔又厚，亦有扒香，唔似出面既咁薄，仲要配埋好好味既炸洋葱圈，超高质。而佢既餐汤都好饮，咖啡都好出色，同咸柠7都好正，冇谂过会有咁大粒咸柠。 所以真系好有诚意，好值得一去再去既冰室。