影片
更多
2018-05-07
123 浏览
朋友介绍话牛头角工厂区入面有间意大利餐厅，二百几蚊可以食到八道菜，仲要有生蚝鹅肝，我真系觉得难以置信。于是胆粗粗带埋老公走到去牛头角觅食。无花无假，真系八道菜，有头盘、汤、主菜、甜品同饮品，好唔好食，就真系要试过先知。一人食一个套餐太多，所以我地两个人点一个套餐再加一个pizza。头盘有香煎鹅肝配苹果酱，脆卜卜嘅法包配上煎得又香、入口即融嘅鹅肝，鹅油香味充斥住我嘅口腔，苹果酱同鹅肝嘅味好夹，仲可以中和返鹅肝嘅油腻，老公食到合埋眼，好享受咁嘅样😂另一道头盘有三款：烟三文鱼菠菜薯球、西班牙火腿、蟹肉茴香香橙沙律。我最喜欢系薯球，薯蓉同菠菜、三文鱼碎混合得相当出色，外脆内软滑。南瓜汤较稠身，好足料，南瓜蓉仲嗒得到。肉眼扒内里仲粉红，生熟程度刚刚好，好juicy，肉味浓，煎得好香，我钟意配埋芥末酱食。底下仲有薯角。披萨皮系厨师搓粉而成，披萨边烤得够脆，饼皮颇有嚼劲。铺满芝士，仲有爽口嘅虎虾同软稔嘅亚枝竹，蒜香味非常惹味，两个人食，份量刚刚好。甜品最惊喜系雪糕上面嘅牛油脆脆，香浓牛油味配合云尼拿雪糕简直一绝！侍应非常细心介绍餐牌，每人二百几蚊可以享受到高质素嘅服务同食物，真系超值！
无花无假，真系八道菜，有头盘、汤、主菜、甜品同饮品，好唔好食，就真系要试过先知。
一人食一个套餐太多，所以我地两个人点一个套餐再加一个pizza。
头盘有香煎鹅肝配苹果酱，脆卜卜嘅法包配上煎得又香、入口即融嘅鹅肝，鹅油香味充斥住我嘅口腔，苹果酱同鹅肝嘅味好夹，仲可以中和返鹅肝嘅油腻，老公食到合埋眼，好享受咁嘅样😂
另一道头盘有三款：烟三文鱼菠菜薯球、西班牙火腿、蟹肉茴香香橙沙律。我最喜欢系薯球，薯蓉同菠菜、三文鱼碎混合得相当出色，外脆内软滑。
南瓜汤较稠身，好足料，南瓜蓉仲嗒得到。
肉眼扒内里仲粉红，生熟程度刚刚好，好juicy，肉味浓，煎得好香，我钟意配埋芥末酱食。底下仲有薯角。
披萨皮系厨师搓粉而成，披萨边烤得够脆，饼皮颇有嚼劲。铺满芝士，仲有爽口嘅虎虾同软稔嘅亚枝竹，蒜香味非常惹味，两个人食，份量刚刚好。
甜品最惊喜系雪糕上面嘅牛油脆脆，香浓牛油味配合云尼拿雪糕简直一绝！
侍应非常细心介绍餐牌，每人二百几蚊可以享受到高质素嘅服务同食物，真系超值！
张贴
