C.O.W. Dining (已結業)

观塘工厂区好多楼上餐厅一直都好想试新今次嚟到依间有5 course set，啱晒我可以试多几款。香煎鸭肝配慢煮菠萝鸭肝充满油香，入口软𦈔，肝味浓郁，但系竟然唔系用新鲜菠萝，有啲失望。香焗法式青口焗法式洋葱汤洋葱汤浓郁香甜，加上舖面嘅cheese同法包，够哂正宗。野菌忌廉汤充满松露嘅香气，不过汤有啲稀，如果有啲野菌粒会更好。意大利云吞配龙虾汁云吞皮有啲厚，酱汁份量太少。自家制意大利粉配巴马火腿番茄忌廉汁自家制意大利粉口感软硬适中，好有惊喜，加上creamy嘅酱汁，味道一流。香煎印度洋老虎虾老虎虾好大只，一上枱已经闻到好香，虾肉扎实多汁而配菜调味适中，味道不错。甜品拼盘可以试哂几种甜品，柠檬挞好够酸。而朱古力挞唔会太甜，带点苦涩味，啱哂我。