三小漁

营业中

休息中

喺观塘返工嘅友人约食饭，今日佢带路嚟咗电讯广场试下新嘢。蒜泥白肉 - 猪肉肥瘦适中口感弹牙，配上蒜泥汁更惹味。竹炭黑砖豆腐 - 外层一咬即碎好香脆，中间豆腐好滑。咕噜肉 - 口感结实味道酸中带甜好开胃，菠萝够新鲜好甜唔会过酸，士多啤梨雕埋花好有特色。指天翅 - 鱼肉蒸好滑唔嚡，鱼味浓好鲜甜。底下嘅粉丝爽口弹牙，仲吸咗鱼嘅鲜味好好食。法式焦糖炖蛋 - 表层嘅桃胶烟韧有口感，中层有炸㶶咗嘅焦糖好香甜，最底嘅炖蛋好滑蛋味好浓。桃胶炖手工菊花豆腐 - 豆腐雕成花型雕得好靓，糖水有淡淡嘅菊花清香，入口味道唔会太甜比较养生。