LM Cafe (已結業)

星期五放工就过嚟食 近近地环境又够大😚白酒蚬肉意粉有罗宋汤，有前菜沙律，仲有埋个意粉。罗宋汤大大碗，清清地都几啱饮。白酒蚬肉嘅蒜蓉味好重，一上碟就已经闻到蒜蓉香，意粉捞埋啲蚬肉同白酒，意粉好香，意粉质地煮得啱啱好，唔会太硬同软。入面啲杏鲍菇都有好香嘅蒜蓉味。水牛芝士番茄沙律🥗水牛芝士同蕃茄围成一个圈，沙律菜新鲜，捞埋芝麻酱，都唔错。水牛芝士圆辘辘，成个波咁都几得意。芝士焗西兰花其实都几大碟，西兰花🥦有好多芝士围住，识落会有啖啖的芝士咸味同西兰花，连啲杏鲍菇都会有芝士味，焗完嘅芝士更加突出佢嘅咸味。蜜糖鸡翼$38有六只鸡翼，每只鸡翼都好大只，感觉好抵食，啖啖都系肉，蜜糖嘅味道不过不失。青柠绿茶🍵次次黎cafe，都好钟意饮茶，最钟意嘅玫瑰花茶𠮶日冇货，就叫咗青柠绿茶🍵。估唔到味道唔错，饮落去有青柠嘅香味，清新既感觉。