方叔叔重慶老火鍋 (創紀之城五期(apm))

营业中

休息中

独有嘅香辣，多款罕有嘅食材，食物质素又高，价格唔算贵，所以呢间火锅店已经成为我屋企嘅老地方我地嘅Canteen 。我地都好钟意呢度嘅空间好阔落，坐得好舒服，环境又宽敞。服务员的服务都好贴心，好好礼物。亦无人会催赶你埋单架，可以慢慢聚会打边炉。中午一人火锅真系好抵食，入面好足料，加上佢鲜虾好鲜甜，黑豚肉好嫩口有好重嘅猪味但系无骚味，鸭血放落麻辣汤底渌真系好入味。好少见的苕粉，口感有点薯粉，好烟韧入左汤底味道好好食。爆浆豆腐 煮1分钟已经好入味，佢嘅口味好特别，口感好好食，必食推介。跟餐只要加30蚊就有一杯无敌大大柠檬茶，好好饮，佢有六大片柠檬，佢嘅茶比一般茶餐厅 的茶底浓，好香，食麻辣火锅配佢真系一绝。次次都食到好饱好满足，真心推荐大家来试试。