德美壽司 (裕民坊YM²)

营业中

休息中

前排平日夜晚同朋友去咗观塘裕民坊，见到有间日本餐厅都几多人帮衬，而且价钱都唔算好贵，就入去试下。呢间日本料理餐厅喺香港都有其他分店，午餐同晚餐嘅套餐定食都好多唔同款式，价格由平至贵都有。🍣 煎鹅肝带子卷一碟有四大件，每一件都好大旧，寿司内包住鹅肝，鹅肝滑嫩同时唔会觉得好油腻，再配上鲜甜嘅带子同脆条，一件寿司可以食到多重味道同口感。🍲 野菜牛肉锅 配乌冬野菜牛肉锅嘅份量都非常多，可以食到多款蔬菜、豆腐、粉丝，而牛肉肉味都几浓郁; 如果担心唔够饱，可以好似我地咁加钱要乌冬，餐厅将乌冬同牛肉锅分开煮，到食嘅时候再放乌冬落牛肉锅一齐食。🍚 三色鱼生饭 配沙律及味噌汤三色鱼生饭有油甘鱼、三文鱼、带子，个人特别推介油甘鱼，味道充满鱼油嘅香味; 平时食鱼生饭好快就食完鱼生，仲剩翻好多白饭，好彩呢碗鱼生饭附送埋温泉蛋，可以配饭一齐食。