日作食堂

营业中

休息中

餐厅好有日系复古风格，值得一赞系佢座位阔落坐得好舒服。menu 上以定食为主，再有一啲串烧小食可以选择。波士顿龙虾（半只）野菜稻庭乌冬定食+茶碗蒸 +兰王蛋黄（月见汁）乌冬上面有半只龙虾，稻庭乌冬口感烟靭弹牙，特浓芝士龙虾汤底都几挂汤。另外仲可以加茶碗蒸同埋兰王蛋黄。松叶特选丼呢个鱼生丼入面有松叶蟹肉、蟹膏、北海道带子、北寄贝、蟹籽。鱼生刺身够新鲜。北海道带子厚肉鲜甜，仲有中间有满满嘅松叶蟹肉，其实呢个可以衬埋兰王蛋黄，真系十分满足。焦糖鸡蛋布甸 / 苹果肉桂卷蛋喺呢个咁复古嘅环境，就想食一个经典嘅焦糖鸡蛋布甸，布甸系比较实在嘅口感，比较重鸡蛋味，但系都好滑。配上蕉香嘅糖浆，个人推介呢个甜品。 而苹果肉桂卷蛋呢一个就比较冬天嘅口味，佢入边仲有苹果粒粒，不错呢。两款甜品影相都好靓。