大盛日本料理

营业中

休息中

星期五中午一行九个人喺观塘都几难揾位，不过我哋嘅经验就系喺呢一间大盛，都可以揾到位，仲要系唔使分开坐𠮶只。呢一间已经唔系第一次食，不过都想赞一赞佢呢款午餐，就系牛肉寿喜烧定食，我就加多$6配乌冬。个锅一拎出嚟，啲牛肉仲系一半生一半熟，非常理想🤤。你一个锅里面嘅材料好多，有日式鱼蛋，大量小菜或者叫娃娃菜，牛肉超多，最重要梗系有只生鸡蛋。至于乌冬，质素大概就系超级市场$20几包嘅正常乌冬，唔系非常突出。我有朋友系食定食嘅，佢哋都有赞啲米饭好靓，下次都可以试吓。呢度食个午餐60几蚊包埋嘢饮都算几抵，份量算大我都食唔哂，平时观塘午餐可能上楼上餐厅，都可能需要$80食个西餐，所以呢度都几化算。张单下面仲优惠，可以下次用嚟有10%回赠，下次再嚟试过。