正宗山西刀削麵皇

营业中

休息中

朋友约我在观塘帮佢做嘢，做完他就请我去食刀削面，刀削面我比较少食，所以就答应去食新开既正中山西刀削面皇(观塘分店)， 他说如果无饭开就去帮衬，因不太贵又好味，而且侍应又有礼貌。我们叫左：刀削汤面套餐双拼$50单拼$47。有人请当然叫双拼啦…选择左：五香牛展拼红烧猪手刀削面，可转拉面或米线，牛展好腍身又有口感，红烧猪手非常腍又入味，刀削面滑滑地仲好烟韧，食时觉得爽口不会黐牙，直得一赞。猪软骨刀削面$45，猪软骨是分开上，都有好多件，每件都有2至4条软骨，不同出面有一些食店猪软骨无软骨只是猪肉，这间(正中山西刀削面)名副其实件件都有软骨，如果喜欢食软骨的朋友仔不妨一试。生煎小龙包$30有(6只)，细细只里面有好多汁瀑出来，肉质嫰滑，皮薄煎到脆口，味道刚好不太咸，可以一口食一个。凉拌莴笋$15，清清地味道淡口，但十分爽口，作伴菜食相当唔错。套餐可免费冷、热豆浆1杯。豆浆有豆味甜道适中，食过这餐以后我喜欢上刀削面，因面质唔错。😋😋🤤🤤+++++++++++++++如果大家喜欢💕我写既食评，麻烦比个❤️鼓励一下我，我会写更多更好既食评比大家！😊