影片
更多
2022-10-11
1754 浏览
最近日本通关大家都纷纷返「家乡」日本旅游🇯🇵 而无趁机会即刻去旅行嘅我就继续喺香港回味吓日本「家乡菜」🥢「一汁一菜」喺日本意思系指一碗汤一碗主菜再配碗饭，系最经典嘅日式料理配搭🍚 今次到访呢间餐厅系主打健康日式家庭料理，有汤、咖喱饭、小菜、饮品、沙律及面包选择，啱哂轻食人士💁🏻♀️ 佢哋观塘店只提供外卖，如果要堂食就要去其他分店喇👀❤️ 汤+一品料理+日本米饭 $69☞︎ 法式龙虾浓汤 (另+$10)龙虾汤足料浓稠，色泽橙红，面头放咗几粒爽弹龙虾肉，个汤味道鲜美，加咗忌廉口感更顺滑！试咗嚟捞饭食，都几唔错🤣 配石窑面包应该会更加适合🥖☞︎ 番茄菠菜芝士鸡肉卷鸡上髀肉包住芝士同菠菜，鸡肉卷唔易散都算紥实，表面有轻轻煎过，餐厅细心咁去咗皮，更健康亦唔油腻，啖啖肉又够滑😙 蘸上自家制番茄汁，酸酸地几醒胃😝❤️ 汤+一品料理+日本米饭 $69☞︎ 花菜巴马火腿浓汤望落去好似豌豆汤咁，其实系用上西兰花同昆布熬制，有几滴橄榄油点缀，入面有洋葱同几嚿软绵薯仔🥔 最正系有一大片巴马火腿干喺面头，增添咸香味道～ 细食人士可能饮呢碗汤加个白饭已经好够饱🤭☞︎ 油扬豆腐黑豚姜汁烧一道好经典嘅日本家常菜，平时喺屋企扮日本
「一汁一菜」喺日本意思系指一碗汤一碗主菜再配碗饭，系最经典嘅日式料理配搭🍚
今次到访呢间餐厅系主打健康日式家庭料理，有汤、咖喱饭、小菜、饮品、沙律及面包选择，啱哂轻食人士💁🏻♀️ 佢哋观塘店只提供外卖，如果要堂食就要去其他分店喇👀
❤️ 汤+一品料理+日本米饭 $69
☞︎ 法式龙虾浓汤 (另+$10)龙虾汤足料浓稠，色泽橙红，面头放咗几粒爽弹龙虾肉，个汤味道鲜美，加咗忌廉口感更顺滑！试咗嚟捞饭食，都几唔错🤣 配石窑面包应该会更加适合🥖
☞︎ 番茄菠菜芝士鸡肉卷鸡上髀肉包住芝士同菠菜，鸡肉卷唔易散都算紥实，表面有轻轻煎过，餐厅细心咁去咗皮，更健康亦唔油腻，啖啖肉又够滑😙 蘸上自家制番茄汁，酸酸地几醒胃😝
❤️ 汤+一品料理+日本米饭 $69
☞︎ 花菜巴马火腿浓汤望落去好似豌豆汤咁，其实系用上西兰花同昆布熬制，有几滴橄榄油点缀，入面有洋葱同几嚿软绵薯仔🥔 最正系有一大片巴马火腿干喺面头，增添咸香味道～ 细食人士可能饮呢碗汤加个白饭已经好够饱🤭
☞︎ 油扬豆腐黑豚姜汁烧一道好经典嘅日本家常菜，平时喺屋企扮日本家庭主妇都会整吓豚肉生姜烧😂 呢款特别之处系加入咗好索汁油扬豆腐，佐饭一流😚 姜汁味道温和，黑豚肉肥瘦适中，配埋洋葱、椰菜等蔬菜，营养均衡简单健康😏
餐厅推荐度：⭐️⭐️⭐️⭐️ (4/5)
观塘区打工仔又一外卖选择！等候时间唔太耐，包装好实净，拎到返去都无漏汁嘅情况👌🏻
一个餐有齐汤、饭同小菜，几抵食😆 两个人叫限定二人前share仲更加丰富添😎
张贴
