影片
更多
2012-03-30
276 浏览
同旧同事聚旧兼庆祝生日，去返以前去开饮茶的彩晶轩食晚饭。一班旧同事，走剩一个系旧公司，生日仲要OT到8点先放工，唯有食返餐好补数。以前间唔中LUNCH 都过来饮茶，人鬼死咁多，夜晚就少人一点，八点到，唔驶等位有得坐，叫埋野，大约十零分钟有得食。因为肚仔饿，叫左D 快上的菜食先，呢度D 烧味唔错，今期食烧腩仔送住饭先。呢间店的菜名，有时都几过瘾，烧腩就叫努尔哈赤、烧鸡就叫阿房宫，我而家份工做同历史有关，即时联想起会唔会满清人钟意 打猎所以烧肉揾满清开国君主外名、烧鸡就因为项羽(羽者，借代鸡也)一把火烧左阿房宫，所以烧鸡就叫阿房宫~~~哈~~~不过断估都唔会咁唔吉 利~~~HA讲左菜啦，烧腩仔皮脆肉嫩，唔会太咸，肉质好软，同脆皮成一对比，腩仔一向系烧肉中最好味的部份，8个人食，一碟有大约30旧，一人三、四旧，因为唔驶等，用来送住饭顶住肚饿都唔错，点埋小小芥辣都几开胃。烧鸡：烧鸡向来系呢度的招牌菜，减肥中的女士就唔系好适合，只鸡相当肥，都几入味，而鸡皮先系最好味之处，你唔连鸡皮食又浪费其精华，食埋又多鸡油，两难也。豚肉藕饼：呢味我麻麻钟意，可能我唔系太钟意食藕挂，我分左半旧食，都几爽口GAR
以前间唔中LUNCH 都过来饮茶，人鬼死咁多，夜晚就少人一点，八点到，唔驶等位有得坐，叫埋野，大约十零分钟有得食。因为肚仔饿，叫左D 快上的菜食先，呢度D 烧味唔错，今期食烧腩仔送住饭先。呢间店的菜名，有时都几过瘾，烧腩就叫努尔哈赤、烧鸡就叫阿房宫，我而家份工做同历史有关，即时联想起会唔会满清人钟意 打猎所以烧肉揾满清开国君主外名、烧鸡就因为项羽(羽者，借代鸡也)一把火烧左阿房宫，所以烧鸡就叫阿房宫~~~哈~~~不过断估都唔会咁唔吉 利~~~HA
讲左菜啦，烧腩仔皮脆肉嫩，唔会太咸，肉质好软，同脆皮成一对比，腩仔一向系烧肉中最好味的部份，8个人食，一碟有大约30旧，一人三、四旧，因为唔驶等，用来送住饭顶住肚饿都唔错，点埋小小芥辣都几开胃。
烧鸡：烧鸡向来系呢度的招牌菜，减肥中的女士就唔系好适合，只鸡相当肥，都几入味，而鸡皮先系最好味之处，你唔连鸡皮食又浪费其精华，食埋又多鸡油，两难也。
豚肉藕饼：呢味我麻麻钟意，可能我唔系太钟意食藕挂，我分左半旧食，都几爽口GAR。
酱烧牛肋排：大大旧牛肋排，侍应会帮手切肉，其实我想试下自己切，应该几开心~HA~味道方面都OK，可惜酱汁重手左，我觉得有点咸，牛肉本身都几嫰，中间无沾咁多酱汁而且近骨部份就唔错，话时话，一啖食大大旧肉都几满足
杂菌牛仔骨：呢味牛仔骨就合味道，相对清淡，牛仔骨唔韧，肉质一咬就开，而且牛仔骨又唔系话得几块，更重要的是杂菌(可能有鸡脾菇)几爽口，同牛仔骨都几爽。食饱饱，埋单找数计埋请埋寿星女，一人120，一点也不平，都坐得舒服，而且近旧OFFICE，都算系合理清费。成餐饭最贵系烧鸡同埋牛肋骨，不过两味都 系寿星女点，无所谓。值得留意的是，佢有甜品卖，十蚊左右一个，份量好细下，有好食有唔好，我自己点的杨枝甘露唔错，不过偷食阻离个焦糖炖蛋就觉太甜~~
张贴
