Thai Fire

观塘一到lunch time就人山人海，想食得舒服少少，去咗楼上泰国私房菜Thai Fire食lunch。餐厅座位阔落，以柔和灰粉红及大地色系营造温馨自然嘅氛围。Lunch set选择好多，价钱$88-$118不等。泰式红咖喱牛饭($88)牛腩炆得软腍松化，毫不鞋口。红咖喱甜甜地，辣度温和。泰火猪猪瀑布公仔面($108)卖相超级打卡！公仔面如瀑布般倾泻而下，效果澎湃！公仔面炒得干身香口，味道辣辣地，非常惹味，加埋芽菜、洋葱、萝卜丝等同炒，镬气十足！猪颈肉烧至边边位脆口，口感爽弹，猪肉串烧都好好食，香料味突出，腌得入味，口感嫩滑。无骨凤爪（套餐加配$28)份量好多，凤爪去骨，食嘅时候啖啖肉，好方便。凤爪清凉香辣，好清爽开胃，夏天热辣辣食好消暑！彩虹椰汁糕都系呢度嘅招牌，卖相七彩缤纷，确实好打卡！如果口感软糯D就更好啦！呢度嘅饮品选择好多，泰式奶茶上加咗忌廉及洒上彩虹糖，少女心满满！龙眼冰则清新解渴，不过两者都甜度稍高，如果可以拣少甜会更加贴心。