La Serre

营业中

休息中

琴晚同男朋友去咗一间近观塘海旁好有feel嘅餐厅，佢成个环境都好浪漫，嘢饮牌方面，有好多各式各样唔同嘅酒选择，我同男朋友拣咗一个青口，再叫咗一个白汁亚枝竹，菠菜，蘑菇意大利长通粉，加多个，安格斯牛肉芝士竹炭汉堡配牛油果煎蛋，首先讲一讲个青口，佢系用蓝青口，我食得出佢有白酒嘅香味，每粒青口，都鲜味十足，而白汁蘑菇意大利长通粉，白汁衬托住意大利长通粉，非常一个好嘅配搭，再加上一啲亚枝竹同菠菜，令平平无奇嘅一个白汁意大利长通粉，变得不平凡，最后安格斯牛肉芝士竹炭汉堡配牛油果煎蛋， 安格斯牛肉肉汁丰富，配上牛油果，可以减轻一啲油腻感，配上竹炭汉堡包，每一啖口感丰富，男朋友叫咗一杯生啤酒，佢话啤酒香味浓郁，每一啖啤酒都系一种享受，而我就叫咗一杯热情果mocktail（Passion fruit）,呢杯mocktail，热情果味丰富，又唔会太甜，非常好饮，总括而言，依间餐厅好啱情侣夜晚食饭黎浪漫一番，下次如果经过观塘海滨长廊，不妨试一试呢间餐厅。