燒肉の牛太・本陣 (創紀之城五期(apm))

营业中

休息中

📍观塘 本阵烧肉话说次次行过APM都见到呢一间烧肉店要等位，今日2:00左右去到嘅时候见到唔使等位，而且新出咗午市套餐，系包好多糭嘅肉，仲有汤饮品同自助沙律甜品吧，于是就决定入去黎个happy lunch。佢个小型自助吧虽然唔算好大，但系食物都好啱口味，沙律方面就提供咗两种菜，仲有蟹柳粟米等等，加上唔同嘅酱汁，例如醋、芝麻酱，千岛酱等等，喺食烤肉展前揾啲沙律菜剪吓底都系一个唔错嘅选择。而佢嘅甜品有三种可以选择，分别系糯米糍、黑糖蕨饼同泡芙，虽然唔算超级精致嘅甜品，但系味道都不错。而系生果方面就有西瓜同蜜瓜可以选择。套餐方面，我今日就选择咗上级板键牛加牛舌定食，每种肉类都俾咗三嚿，感觉都非常新鲜，而且仲有海带汤加白饭。肉质方面，咬落都好嫩，唔会系冰鲜硬绷绷嘅𠮶一种牛。