影片
更多
2023-05-28
422 浏览
［海悠］由IG开始经营食材生意，由两年半前疫情的开始帮衬，当时因为冇得出街食饭，好流行订购食材外卖，我从一张牛肉嘅相开始，从此对海悠又爱又恨，因为食材太美味，成日要订，食到我破产，佢哋一直最出名就系安格斯牛小排、阿拉斯加长脚蟹、大闸蟹全部都食过N次，每次都一定唔会令你失望👍🏻最近佢哋仲喺观塘熟食市场大展拳脚，经营咗一间小炒店，开店短短日子好评如潮，尤其系炸子鸡，听闻一开门一个钟已经冇晒🤷♀️，仲有好多炒粉面饭炒得好有镬气，材料又多又大份，仲俾人投诉话价钱太平，虽然观塘对我嚟讲山长水远，冇乜嘢特别吸引我我都唔会去𠮶边食饭，但系今日为咗去海悠食饭，我只能投降😂😂虽则话系熟食市场，地方超级整齐企理，重点系有冷气，坐位舒舒服服，仲整咗个洗手盆俾客人洗手，好卫生👍🏻👍🏻❇️熟食市场的盛宴▪️海悠辣子鸡 $ 188今日炸子鸡卖晒，食辣子鸡都系一样啫，一上枱香气扑鼻，鸡件口感外层酥脆，鸡肉仍然保持嫩滑，味道香辣干香，非常入味，但又唔系太辣太呛，所以唔系食太辣嘅朋友都可以食到👍🏻▪️黑松露滑蛋虾仁饭 $ 58此店名物，蛋炒得超级香滑，加上满满的材料，虾仁爽脆弹牙，仲有小带子和蟹柳，吸收晒蛋香，最尾就系超级
［海悠］由IG开始经营食材生意，由两年半前疫情的开始帮衬，当时因为冇得出街食饭，好流行订购食材外卖，我从一张牛肉嘅相开始，从此对海悠又爱又恨，因为食材太美味，成日要订，食到我破产，佢哋一直最出名就系安格斯牛小排、阿拉斯加长脚蟹、大闸蟹全部都食过N次，每次都一定唔会令你失望👍🏻
最近佢哋仲喺观塘熟食市场大展拳脚，经营咗一间小炒店，开店短短日子好评如潮，尤其系炸子鸡，听闻一开门一个钟已经冇晒🤷♀️，仲有好多炒粉面饭炒得好有镬气，材料又多又大份，仲俾人投诉话价钱太平，虽然观塘对我嚟讲山长水远，冇乜嘢特别吸引我我都唔会去𠮶边食饭，但系今日为咗去海悠食饭，我只能投降😂😂
虽则话系熟食市场，地方超级整齐企理，重点系有冷气，坐位舒舒服服，仲整咗个洗手盆俾客人洗手，好卫生👍🏻👍🏻
❇️熟食市场的盛宴
▪️海悠辣子鸡 $ 188
今日炸子鸡卖晒，食辣子鸡都系一样啫，一上枱香气扑鼻，鸡件口感外层酥脆，鸡肉仍然保持嫩滑，味道香辣干香，非常入味，但又唔系太辣太呛，所以唔系食太辣嘅朋友都可以食到👍🏻
▪️黑松露滑蛋虾仁饭 $ 58
此店名物，蛋炒得超级香滑，加上满满的材料，虾仁爽脆弹牙，仲有小带子和蟹柳，吸收晒蛋香，最尾就系超级香浓嘅黑松露味道 ，美味
▪️桂花蟹肉炒粉丝 $ 58
听起好富贵得体既菜式，为何叫桂花？原来是用鸡蛋炒碎，看上去似桂花既意思，即叫即炒好有镬气，粉丝炒得香口又入味，配料有洋葱、姜葱、鸡蛋、大大件蟹肉、蔬菜，材料满满
▪️秘制蟹黄酱海皇炒饭 $ 58
炒功一流，卖相金黄又干身，饭粒和材料粒粒分明，每一啖充满蛋香，炒饭仲有好多配料， 弹牙虾仁、小带子、章鱼、翠肉瓜粒，捞埋蟹黄酱，好惹味，超级推荐
▪️美极安格斯牛粒炒饭 $ 88
大大粒安格斯牛粒，份量会唔会太慷慨？保证每啖饭都食到大量牛粒，味道充满牛香油花满满，炒饭一样炒得香口有镬气粒粒分明，原来配美极鲜酱油味道系咁鲜香
▪️胡麻酱海皇冷乌冬 $ 58
滑溜既乌冬配上鲜虾、蟹柳、带子，重点系海悠自家制既胡麻酱，奶油般浓郁既质感，充满麻酱香带微甜，包围住每条乌冬，好味到大人小朋友都停唔到口
✨温馨提示🔔想食炸子鸡一定要提早订，每日供应有限，想食其他菜式，例如阿拉斯加长脚蟹、皇帝蟹、龙虾之类既菜式，一样可以同店主沟通订购😋
张贴
