榮哥廚房私房菜

营业中

休息中

朋友介绍我地嚟观塘荣哥厨房私房菜，话好够镬气。今晚我哋叫经理设计左一个四人菜单，都几有特色，经理招呼又好，又积极讲菜式特色，埋单平均每人4-5佰蚊，都算几抵食，又有私人空间，系几好同亲戚好友食饭既一个地方。 ＜私房菜 $1638 4位＞🔸️ 本地水耕沙律菜伴芝麻酱 水耕沙律菜好新鲜！ 🔸️ 荣哥自家甜酸斋 呢个甜酸斋感觉冇出面食咁多色料，同埋佢偏多少少甜味，都好味。 🔸️ 双色墨鱼仔有辣同唔辣两款，墨鱼仔好新鲜弹牙。 🔸️ 茶熏流心蛋伴黑鱼子酱配厚切茄子呢个超级好食！流心蛋有好特出既茶香味，配埋黑鱼子酱好名贵。厚切茄子外脆内软，十分juicy，超好味！ 🔸️ 原鼎炖龙利叶青榄柑桔黑毛䐁肉汤呢个汤超级一流！好清好润好香龙利叶味，好似话可以润肺止咳，个汤一啲都唔油，我饮左3碗😂 🔸️ 荣哥伴饭酱鲜芦笋炒北海道带子好大碟好有镬气！鲜芦笋好爽脆，北海道带子都好大粒好滑。 🔸️ 桂花炒素翅呢个有啲特别，我第一次食。可以加少少黑醋食，味道层次更多。 🔸️ 士多啤梨黑豚肉排骨呢碟摆盆好靓😍中意佢下面脆米好脆，黑豚肉排骨啖啖肉，士多啤梨酸酸甜甜好好味！ 超推介！ 🔸️ 招牌茶王熏鸡呢个又系佢地招牌菜，要预先订先有得食。