Day One Cafe (駱駝漆大廈第三座)

营业中

休息中

观塘骆驼漆大厦又开左间cafe, 上网睇佢话有适合生酮饮食嘅食物，所以就嗌咗外卖同屋企人试吓,整体都几好食，食物都几有特色。龙虾汁番茄鲜虾扁意粉意粉烟烟韧韧，唔会太软啱啱好。龙虾汁嘅味道都几重，所以酱汁偏Creamy不过佢再加埋蕃茄就啱啱好。Creamy之余，酸酸尾尾，虾都有好多只，所以个酱汁都好有虾味，而且份量都大。招牌蒜香橄油烟鸭胸翠玉瓜面呢个就系比我个生酮饮食朋友试嘅，用翠玉瓜做面条，食落去好清新。咬落去有口感，翠玉瓜都好，配合到蒜香味！烟鸭胸都有好多旧，加咗少少蒜油嘅酱汁，好香口之余仲有鸭香味！气炸香烤鸡翼鸡翼香辣，调味非常足够，唔会太过油腻，仲有五只添，够晒大份，钟意食辣嘅朋友一定啱！整体来讲，食物嘅质素都唔错，份量都足够，我见佢仲有啲健康餐沙律同埋生酮饮食嘅嘢。虽然嗌外卖但系温度同嘢食质素都keep 到。