葫蘆館 (已結業)

有时Lunch 冇咩胃口，谂唔到食咩，面又食唔落，粥又唔太想食，饭又更加唔想谂~~如果去Cafe 买沙律、三文治加杯咖啡又唔平！漫冇目的行行下，无意间发现左呢一间小店，有甜品有飞碟食，够哂轻盈。Order左姜汁撞奶 + 芝士咸牛飞碟 ，$34 落到楼，平靓正。姜汁撞奶几有料到，无蒸、焗、炖，即叫即撞。 每一啖姜味不断涌完，辣辣地。口感相当顺滑。系呢个略有寒意的冬天，食完暖粒粒，驱走寒气。芝士咸牛又系即叫即整，几有诚意。 面包烘到脆卜卜，入面馅料热辣辣。如果芝士比例多返少少，做到少少拉丝效果，咁就完美啦。