團團圓圓 (已結業)

穿觀塘瑞和街街市，搵到呢間食台灣嘢嘅小店，叫團團圓圓，顧名思義台式芋圓、甜品當然唔少得，其次滷肉飯、鹽酥雞、煎蛋餅…呢度都有。晚飯過後去食，就試咗佢哋嘅香芋仙草芋圓，可選配紅豆、綠豆、珍珠、薏米、小丸子、西米同埋蓮子，任揀四樣。夾埋香芋同芋圓，加埋香草底，即係一份就可以食到七樣嘢…勁多！味道雖然就唔係話特别驚喜，食得出幾有心機整，唔似坊間有啲味道咁假。不過溫馨提示：如果大家選擇堂食就要留意，始終附近係街市，而且對面正正有個「廢物中央處理中心」，環境就點都有影響。如果大家想食甜品同朋友吹下水，落雨天就記得諗清楚先好去。