團團圓圓 (已結業)

穿观塘瑞和街街市，揾到呢间食台湾嘢嘅小店，叫团团圆圆，顾名思义台式芋圆、甜品当然唔少得，其次卤肉饭、盐酥鸡、煎蛋饼…呢度都有。晚饭过后去食，就试咗佢哋嘅香芋仙草芋圆，可选配红豆、绿豆、珍珠、薏米、小丸子、西米同埋莲子，任拣四样。夹埋香芋同芋圆，加埋香草底，即系一份就可以食到七样嘢…劲多！味道虽然就唔系话特别惊喜，食得出几有心机整，唔似坊间有啲味道咁假。不过温馨提示：如果大家选择堂食就要留意，始终附近系街市，而且对面正正有个「废物中央处理中心」，环境就点都有影响。如果大家想食甜品同朋友吹下水，落雨天就记得谂清楚先好去。