Season Plus (已結業)

观塘都有唔少隐世食店，同同事收工念住试下新野，就试下呢间。间野主打系由298生蚝拼盘，见隔离枱都系叫呢样，仲有支酒送。可惜个日同事敏感唔食得海鲜，见都有唔少野食，就试下呢间野。我地拣呢个意式巴马火腿沙律作为开胃菜系唔错既选择，酸酸甜甜味道刚刚好，火腿同D酱汁配合得好好。我地仲嗌左呢个芝士牛油焗日本元贝，呢个元贝size都大粒，加埋芝士，棒棒！我地见呢度d pizza好似好吸引，就嗌左意大利辣肉肠pizza，呢度的pizza比较特别，似面包店个D长方形。望落去好普通，但食落唔错。饼底好脆，成个pizza几乎我一个食晒。 我frd想食炸物，所以就嗌左炸物拼盘4款，炸物拼盘拣左唐扬手羽鸡翼，炸流心芝士，黄金紫薯小丸子同纽西兰鱼手指。另外有一份蛋白黑松露酱，如果钟意黑松露的就会好钟意个酱，黑松露味超浓郁。推介紫薯小丸子同流心芝士，好食。最后就嗌左日本一口和牛粒。呢个和牛粒份量都多，不过佢切得太碎，如果无甘碎会开心d。同同事坐左2个钟，都几舒服，间野都几大，几适合同朋友聚会倾计食野。