木葉 (已結業)

冬至仲要加班已经燥爆，收工同同事系公司附近揾嘢食，谂住食餐饭吹下水。居然有新发现，呢间餐厅主打任食ribs，就叫左一份ribs set，另外再叫左份巴东猪仔脾同秘制鸡翼，估唔到个ribs同猪仔脾都好好味又多肉汁，因为巴东汁太惹味，我地仲另外叫左个白饭捞汁。最后服务员介绍左佢地出名嘅甜品，红酒烩啤梨俾俾我地。味道真系好特别，个啤梨入晒味，仲配合自家制雪糕，个甜品绝对要一食再食。感受到呢间餐厅系用心制作食品，一定会推介俾朋友。