影片
更多
2023-07-23
119 浏览
《 😋晴晴港饮港食 #misshcfoodie 》私房菜比我嘅感觉就系中式omakase🤭高质食材配大厨精心设计嘅煮法今次带埋呀爸呀妈嚟食呢间位于观塘工业区、获奖无数🥇嘅私房菜餐厅安排咗一个好丰富嘅menu计埋前菜甜品有成超过10道菜😲成家都食到好饱好满足😚先嚟开胃前菜有自家甜酸斋、本地水耕沙律菜伴芝麻酱、双色墨鱼仔同茶熏流心蛋伴黑鱼子酱配厚切茄子🍆👍最令我回味嘅就系个厚切茄子流心蛋嘅茶熏味都几浓上面仲有黑鱼子酱点缀至于个茄子咬落好有口感 外脆内软之余 原来加咗粉团一齐炸口感烟烟韧韧 再配埋个酱汁甜甜哋 好似日式烧汁 非常好味汤品分别有两款炖哈密瓜螺头黑毛豚肉汤 &炖姬松茸淮山甘笋黑毛豚肉汤汤料非常足料真系未饮过用哈密瓜煲嘅汤加埋响螺头 味道清甜可口味觉享受之余仲可以补身养颜嚟到重头戏嘅主菜环节🤩黑松露酱炒花尾趸班球配鲜露笋用上龙趸班球肉质嫩滑 又厚肉配埋黑松露酱 香气扑鼻仲有爽口露笋虾球水芙蓉🍤有啲似蒸水蛋🤔不过唔同系只系有蛋白无蛋黄同上面有一层黄色茨汁仲有一只爽口弹牙嘅水晶大虾🍤远年新会陈皮黑豚肉排骨👍望落去以为系普通炸排骨点知食落去回味无穷有陈皮嘅甘甜 中和排骨嘅油腻排骨亦都炸到
私房菜比我嘅感觉就系中式omakase🤭
高质食材配大厨精心设计嘅煮法
今次带埋呀爸呀妈嚟食
呢间位于观塘工业区、获奖无数🥇嘅私房菜
餐厅安排咗一个好丰富嘅menu
计埋前菜甜品有成超过10道菜😲
成家都食到好饱好满足😚
先嚟开胃前菜
有自家甜酸斋、本地水耕沙律菜伴芝麻酱、双色墨鱼仔同茶熏流心蛋伴黑鱼子酱配厚切茄子🍆👍
最令我回味嘅就系个厚切茄子
流心蛋嘅茶熏味都几浓
上面仲有黑鱼子酱点缀
至于个茄子咬落好有口感
外脆内软之余 原来加咗粉团一齐炸
口感烟烟韧韧 再配埋个酱汁甜甜哋
好似日式烧汁 非常好味
汤品分别有两款
炖哈密瓜螺头黑毛豚肉汤 &
炖姬松茸淮山甘笋黑毛豚肉汤
汤料非常足料
真系未饮过用哈密瓜煲嘅汤
加埋响螺头 味道清甜可口
味觉享受之余仲可以补身养颜
嚟到重头戏嘅主菜环节🤩
黑松露酱炒花尾趸班球配鲜露笋
用上龙趸班球肉质嫩滑 又厚肉
配埋黑松露酱 香气扑鼻
仲有爽口露笋
虾球水芙蓉🍤
有啲似蒸水蛋🤔
不过唔同系只系有蛋白无蛋黄
同上面有一层黄色茨汁
仲有一只爽口弹牙嘅水晶大虾🍤
远年新会陈皮黑豚肉排骨👍
望落去以为系普通炸排骨
点知食落去回味无穷
有陈皮嘅甘甜 中和排骨嘅油腻
排骨亦都炸到好香脆
不过份量就得每人一旧
食完想再食都无🥹
🐔招牌茶王熏鸡
平时酒楼炸子鸡就食得多
原来茶熏鸡嘅制作要花多好多功夫同时间🤔
要用2日去烟熏 火候要拿捏得宜
先做到真正嘅皮脆肉嫩😍
而且有好香茶熏味
入口又唔会油腻
米王有机时令鲜蔬🥬
健康之选 清清哋
以有淡淡米香嘅上汤煮有机波菜
大红大紫炒饭
颜色鲜艳好吸睛
原来因为系用咗红菜头加紫薯粒
仲配有蛋同饭素
最尾嘅甜品就系每人两粒芝麻汤丸
食完一家团团圆圆🤭
人均价钱: $450
味道: 8/10
环境: 7.5/10
服务: 8/10
回头率: 8/10
👍=必食
📍 荣哥厨房私房菜
地址: 观塘观塘道436-484号官塘工业中心3期4楼L室
电话: 23456389
张贴
