菊月町 (已搬遷) 新店位置

今晚系屋企附近比我发现左呢间系工厂区入面既高质日本野，主打厨师发办铁板烧！超耐无食铁板烧，就同妈妈去食喇。呢度好好生意，吧台坐满人，我地唯有坐下面既四人台。呢度有两款传统Omakase，分别系烁雨（$1380）、焰月（$980），有齐前菜、寿司、刺身、手卷、甜品。另外一款就系全套都系铁板烧，$528有二人份量，咁抵我地就当然拣左呢款，再另外加左刺身8点（$288）。首先上既系胡麻酱沙律同埋昆布汤开开胃。鳕鱼，啱啱烧起既鳕鱼热辣辣。用左适量盐同胡椒，啱啱好带出鳕鱼既鲜味！肉质嫩滑，仲有啲胶质添。广岛蚝，配埋啲蒜炒樱花虾，味道十足，好惹味！广岛蚝煎完既外皮入面系超滑溜既蚝肉，一啲都唔腥！鹅肝多士，多士用牛油煎过微脆，上面系入口即溶，而且飘来阵阵引人入胜既香气既鹅肝，口感超丰富！薄切安格斯牛肉，有四件，入面包住啲生蒜。外面油润，入面爽脆，非常特别。菊刺身，呢个另加既刺身拼盘，分别有三文鱼、牡丹虾、油甘鱼、八爪鱼、吞拿鱼赤身、带子、鲷鱼。份量十足，好鲜，无雪藏味，好厚切，啖啖口，大满足！炒杂菜，分别有芽菜、红萝卜丝、椰菜、小棠菜，另外上四块鸡髀菇。杂菜切丝，所以啖啖都有唔同既菜。味道好有牛油香