彩晶軒 (已結業)

星期日我地又黎觀塘彩晶軒飲茶。11時半到，一支箭標去拎飛仔。3-4位飛仲要等多10個。由於有幾張飛叫0左都冇人認頭；等0左15分鐘就到我啦~ 點知佢見到我張飛係4個人又話0個張枱唔夠坐; 之後無端端又有人拎住張飛補枱，結果又等多0左15分鐘先離開到0個個又嘈又窄0既門口入坐。叫0左個壽眉…唔知係唔係陳年0既呢，飲落成口塵味咁。叫佢換0左壺香片過我…好好多~ 不過都係唔多好味啦，好彩d水夠熱0者~繼續叫個好食0既馬騮搣柚子雲吞盞。卜卜脆鬆化蘿蔔腸 呢個南乳脆皮九肚魚就唔多得，南乳食唔出；九肚魚俾佢炸到乾哂。呢個叫做櫻花蝦肉鬆蒜豆腐，係見到隔離枱叫0左個賣相唔錯而叫0既~ 食落似食豆腐花，不過唔係甜0既；味道似食鹹豆漿。另外仲叫0左個農家有機瑤柱菜苗餃、松花皮蛋瘦肉粥同砂鍋鳳凰炒粉絲都不錯。 整體0黎講，呢度都係食佢0既整色整水，野食0既味道都唔錯，不過食多幾次又會覺得佢冇咩特別。 我諗我都係唔好黎得太密，等佢有時間換下d點心紙好啦。