影片
更多
2025-01-23
1117 浏览
放假约咗朋友喺观塘见面，顺便倾下近况。友人想饮茶，带咗我嚟鳄鱼恤中心 7/F 呢间「满福庭」。内在环境光猛，装修企理，加上全场无柱设计，嚟呢度摆酒确实一流！拣咗份午市点心超值自选 ($208)，组合包 2 款点心及 2 款精选美食。鲜虾菜苗饺：外皮晶莹剔透，入面裹满弹牙虾肉同翠绿菜苗，两者比例啱啱好，入口皮薄馅靓，味道鲜美。蚝皇鲜竹卷：鲜竹卷用料好丰富，内有猪肉、冬菇、竹笋和生菜等，腐皮有豆香，加上吸满了蚝油芡汁，惹味非常。脆皮烧腩仔：腩仔外皮脆卜卜，脂肪同瘦肉层层相间，肉质松化，入口软腍无渣，配埋芥末酱吃，更添滋味！迷你扬州炒饭：米饭炒饭得够干身👍🏻，粒粒分明又有镬气，配料有叉烧、虾仁、蛋花同葱粒等，分量十足，色香味俱全。再加点咗碟陈皮叉烧酥 (大点)，外皮酥脆，内𥚃叉烧馅软嫩微甜，配上面头嘅咸香陈皮，绝对有画龙点睛之效。
放假约咗朋友喺观塘见面，顺便倾下近况。友人想饮茶，带咗我嚟鳄鱼恤中心 7/F 呢间「满福庭」。
内在环境光猛，装修企理，加上全场无柱设计，嚟呢度摆酒确实一流！
拣咗份午市点心超值自选 ($208)，组合包 2 款点心及 2 款精选美食。
鲜虾菜苗饺：外皮晶莹剔透，入面裹满弹牙虾肉同翠绿菜苗，两者比例啱啱好，入口皮薄馅靓，味道鲜美。
蚝皇鲜竹卷：鲜竹卷用料好丰富，内有猪肉、冬菇、竹笋和生菜等，腐皮有豆香，加上吸满了蚝油芡汁，惹味非常。
脆皮烧腩仔：腩仔外皮脆卜卜，脂肪同瘦肉层层相间，肉质松化，入口软腍无渣，配埋芥末酱吃，更添滋味！
迷你扬州炒饭：米饭炒饭得够干身👍🏻，粒粒分明又有镬气，配料有叉烧、虾仁、蛋花同葱粒等，分量十足，色香味俱全。
再加点咗碟陈皮叉烧酥 (大点)，外皮酥脆，内𥚃叉烧馅软嫩微甜，配上面头嘅咸香陈皮，绝对有画龙点睛之效。
张贴
